გარდაბნის საკრებულოს „ნაციონალი“ დეპუტატი აკიფ ისმაილოვი აზრს იცვლის და აცხადებს, რომ მერი რამაზ ბუდაღაშვილი და დაკავებული გივი ძმანაშვილი ნათესავები არ არიან
9-02-2018, 17:45

შრიფტის ზომა: [ A+ ] / [ A- ]

 

გარდაბნის მუნიციპალიტეტის საკრებულოს ფრაქცია „ერთიანი ნაციონალური მოძრაობის“ წევრი აკიფ ისმაილოვი, რომელიც 2008 წელს „ნაციონალური მოძრაობის“ მმართველობის პერიოდში, გარდაბნის გამგებლის მოადგილის პოსტზე ყოფნისას, განსაკუთრებით დიდი ოდენობით ქრთამის აღების ფაქტზე დააკავეს, აცხადებს, რომ გარდაბნის საკრებულოს ხუთშაბათს დაკავებულ წევრს, გივი ძმანაშვილს გარდაბნის მუნიციპალიტეტის მერთან, რამაზ ბუდაღაშვილთან ნათესაური კავშირი არ აქვს.

 


ამის შესახებ აკიფ ისმაილოვმა GUARDIAN.GE-სთან საუბრისას განაცხადა, თუმცა, მანამდე იგი მედიასაშუალებებთან ამბობდა, რომ ბუდაღაშვილი და ძმანაშვილი ნათესავები იყვნენ.

 


„მე განვაცხადე, რომ როგორც ვიცი, გივი ძმანაშვილს გარდაბნის მერთან ნათესაური კავშირი აქვს. დღეს როგორც გავიგე, მე მგონი არ არიან ნათესავები. დღეს დავაზუსტე და მითხრეს, რომ არ არიანო ნათესავებიო", აცხადებს აკიფ ისმაილოვი.

 


რაც შეეხება თავად საკრებულოს წევრის დაკავების ფაქტს, ფრაქცია „ნაციონალური მოძრაობის“ წევრის თქმით, იცის მხოლოდ ის, რომ გივი ძმანაშვილი დაკავებულია.

 


„თავად გივი ძმანაშვილის დაკავების ფაქტს რაც შეეხება, მე არ ვიცნობ საქმის დეტალებს, მე ვიცი, რომ დაკავებულია, მეტ ინფორმაციას არ ვფლობ", განაცხადა აკიფ ისმაილოვმა, რომელიც მიიჩნევს, რომ „ქართული ოცნების" ხელისუფლებაში მოსვლის შემდეგ, მდგომარეობა გაუარესდა.

 

 

GUARDIAN.GE-ს შეკითხვას - მას შემდეგ, როდესაც 2008 წელს, სააკაშვილის მმართველობისას გარდაბნის გამგებლის მოადგილის პოსტზე მყოფი აკიფ ისმაილოვი თავადაც დააკავეს განსაკუთრებით დიდი ოდენობით ქრთამის აღების ფაქტზე, შეიცვალა თუ არა მდგომარეობა „ნაციონალური მოძრაობის“ მმართველობის პერიოდთან შედარებით? - ისმაილოვმა ასე უპასუხა: „ჩემი აზრით, ახლა სიტუაცია უფრო გაუარესდა".

 

 

GUARDIAN.GE-ს შეკითხვას, თუ რატომ ფიქრობს ასე, ისმაილოვი პასუხობს: „არ ვიცი, მთავრობის წარმომადგენლებს უნდა შეეკითხოთ".

 


GUARDIAN.GE: „თქვენ ხომ ოპოზიციური ძალის წარმომადგენელი ბრძანდებით და იცით რა მდგომარეობაა ქვეყანაში?

 


„მე მაშინაც ვიყავი თანამდებობის პირი, ახლაც ვარ აქტიურად ჩართული გარდაბნის მუნიციპალიტეტში მიმდინარე პროცესებში და ვადარებ და ვიტყვი, რომ დღესდღეობით სიტუაცია უფრო რთულია“, განუცხადა GUARDIAN.GE-ს აკიფ ისმაილოვმა.

 

 

უფრო ადრე ისმაილოვის ბრალდება GUARDIAN.GE-სთან გარდაბნის მერმა, რამაზ ბუდაღაშვილმა უარყო და განაცხადა, რომ ისმაილოვის აღნიშნული განცხადება, დაკავებულის საქმიანობის მის სახელთან დაკავშირების მიზანმიმართული მცდელობაა.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

შეიარაღებული ოფიცერი, რომელსაც პასუხისმგებლობა გააჩნდა ფლორიდის სკოლის უსაფრთხოებაზე, სადაც გასულ კვირას ახალგაზრდა შეიარაღებულმა მამაკაცმა ცეცხლსასროლი იარაღით 17 ადამიანი მოკლა, სროლებისას შენობის გარეთ იდგა და არ ჩარეულა, განაცხადა ბროვარდის ოლქის შერიფმა, სკოტ იზრაელმა როგორც ამას BBC იუწყება.

შეიარაღებულმა ოფიცერმა, რომელიც ფლორიდის სკოლაში განხორციელებული სროლებისას შენობის გარეთ იდგა, „უდავოა, რომ ცუდი სამსახური გასწია“, განაცხადა შეერთებული შტატების პრეზიდენტმა.

ყველაზე კითხვადი
  1. ტაძრიდან მომავალი ოთხი ქალია მოკლული ყიზლარში ახალგაზრდა მამაკაცის მიერ, რომლის ლიკვიდაციაც პოლიციამ მოახდინა
  2. უკრაინის სახელმწიფო სასაზღვრო სამსახურმა მიხეილ სააკაშვილს უკრაინაში შესვლა 2021 წლამდე აუკრძალა
  3. კახა კალაძე: კატეგორიული მოთხოვნაა, რომ ბაღებში მშობლებმა წარმოადგინონ ცნობა ბავშვების ჯანმრთელობისა და აცრების შესახებ
  4. სულ მცირე 77 მშვიდობიანი მოქალაქე, მათ შორის 20 ბავშვია მოკლული სირიაში საჰაერო დარტყმებისა და სარაკეტო იერიშების შედეგად
  5. სულ მცირე 10 ადამიანი წაიღო ზვავმა შვეიცარიის ვალასის კანტონის მთაზე
  6. კიევში მიხეილ სააკაშვილის მომხრეების მრავალათასიანი აქცია პრეზიდენტ პეტრო პოროშენკოს გადადგომის მოთხოვნით გაიმართა
  7. ერდოღანმა განაცხადა, რომ თურქეთის არმია უახლოეს დღეებში გეგმავს ალყაში მოაქციოს სირიის ქალაქი აფრინი
  8. რუსეთმა დაადასტურა, რომ ათეულობით რუსი იქნა მოკლული სირიაში აშშ-ის საჰაერო დარტყმებისას
  9. ბენიამინ ნეთანიაჰუმ სასტიკი თავდასხმა წამოიწყო ირანზე და მას მსოფლიოსთვის „ყველაზე დიდი საფრთხე“ უწოდა
  10. ასეულობით ადამიანი გადაურჩა სიკვდილს სიდნეიდან აბუ დაბიში მიმავალი თვითმფრინავის აფეთქების გეგმის ჩაშლის გამო, რაც ნეთანიაჰუს განცხადებით, ისრაელის სადაზვერვო სამსახურების დამსახურებაა
ბოლო სიახლეები
ამინდის პროგნოზი
ვალუტის კურსი