ხონის მუნიციპალიტეტის მერი თურქ ინვესტორებს შეხვდა. ხონის მერიის პრესსამსახურის ცნობით, ინვესტორები მერქან-ბურბუშელოვანი პროდუქციის წარმოებისა და ადგილზე შესაბამისი ინვესტიციის განხორციელების მიზნით ხონის სატყეო ფონდით არიან დაინტერესებულნი.
შეხვედრის მიმდინარეობისას ლადო ჯურხაძემ სტუმრებს მუნიციპალიტეტის პოტენციალი გააცნო. მერმა ინვესტორებთან საუბარში აღნიშნა, რომ როგორც ცენტრალურ, ისე ადგილობრივ მთავრობაში ხელისუფლება ბიზნესმენებს ხელს უწყობს და საინვესტიციო გარემო მკვეთრად გაუმჯობესებულია.
„დღეს ჩვენ ვმასპინძლობდით მეზობელი რესპუბლიკის ერთ-ერთი მსხვილი კერძო კომპანიის წარმომადგენლებს, რომლებსაც გავაცანით მუნიციპალიტეტის პოტენციალი.
თანამშრომლობისა და პარტნიორობის სურვილი ორმხრივია და ინვესტიციის განხორციელების შემთხვევაში, ჩვენს მუნიციპალიტეტში 400-მდე დამატებითი სამუშაო ადგილი შეიქმნება.
ჩვენ ვართ ხელისუფლება, რომელიც ბიზნესმენებს ხელს უწყობს, რომ მათ ჩადონ ინვესტიციები და დაასაქმონ ადგილობრივები. ამის ხელშეწყობა მუდმივად იქნება და ბიზნესმენებს ამ ხრივ პრობლემები არასდროს შეექმნებათ“, განაცხადა ლადო ჯურხაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.