პოლონეთში მყოფმა საქართველოს ყოფილმა პრეზიდენტმა მიხეილ სააკაშვილმა განაცხადა, რომ ვარშავაში შესვლისას პრობლემები არ შექმნია, პირიქით, მას ქვეყნის პარლამენტარებიც კი დახვდნენ აეროპორტში და პოლონეთის ხელისუფლებამ მისი უსაფრთხოების უზრუნველსაყოფად დაცვაც გამოუყო. სააკაშვილი პოროშენკოს და ივანიშვილის „ოლიგარქიული რეჟიმების“ წინააღმდეგ ბრძოლის გაგრძელებას აპირებს და აცხადებს, რომ მისი აქტიური ბრძოლით „ორივენი დაემხობა“.
„ივანიშვილი არის ქვეშაფსია, ლაჩარი და არარაობა... ამ კაცს რამის თავი რომ ჰქონოდა, ხომ მოილაპარაკებდა საქართველოში ჩემ გადაცემაზე. არაფრის თავი არ აქვთ, არიან მხდალები, არიან მათხოვრები, არიან ფლიდები... მე გავაგრძელებ ბრძოლას მათ წინააღმდეგ საქართველოში და ამ ოლიგარქების წინააღმდეგ და ორივენი დაემხობა და ამ დამხობაში, ამ ჩამოშორებაში ხელისუფლებიდან, მშვიდობიანში, მე ვითამაშებ გადამწყვეტ როლს. თუ რამის თავი ჰქონდათ, სიამოვნებით გადამცემდნენ უკრაინელები იქ, მაგრამ არც ერთს ჰქონდა თავი და არც მეორეს - ორივეს ისე ეშინიათ ჩემი, როგორც ცეცხლის“, განაცხადა სააკაშვილმა ვარშავიდან „რუსთავი 2“-ის პირდაპირ ეთერში სატელეფონო ჩართვისას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.