პარლამენტის თავდაცვისა და უშიშროების კომიტეტის სხდომაზე თავდაცვის მინისტრს მოუსმინეს
13-02-2018, 15:31

შრიფტის ზომა: [ A+ ] / [ A- ]

 

საქართველოს თავდაცვისუნარიანობის გაძლიერებისა და ქვეყნის ნატოში ინტეგრაციისთვის გადადგმული ნაბიჯები და განხორციელებული რეფორმები საქართველოს თავდაცვის მინისტრის ანგარიშის მთავარი თემები იყო, რომელიც დღეს ლევან იზორიამ საქართველოს პარლამენტის რესპუბლიკის დარბაზში თავდაცვისა და უშიშროების კომიტეტში გააჟღერა.

 

 

თავდაცვის უწყების პრესსამსახურის ცნობით, იზორიამ მოხსენება ძლიერი შეიარაღებული ძალების ჩამოყალიბებაზე საუბრით დაიწყო, რომელსაც უნარი ექნება შეაჩეროს მოწინააღმდეგის მხრიდან აგრესია და რაც შეიძლება ჭარბი ზიანი მიაყენოს მას. როგორც მინისტრმა აღნიშნა, ამ აგრესიის განსახორციელებლად უწყებაში მნიშვნელოვანი სტრატეგიული დოკუმენტები შემუშავდა - „თავდაცვის სტრატეგიული მიმოხილვის დოკუმენტი“, „თეთრი წიგნი“ და „მინისტრის ხედვა 2017“. ლევან იზორიამ ასევე, ყურადღება გაამახვილა ისეთ უმნიშვნელოვანეს სტრატეგიულ დოკუმენტზე, როგორიცაა ეროვნული თავდაცვის გეგმა, სადაც კონკრეტულად არის გაწერილი შეიარაღებული ძალებისა და სხვადასხვა სამთავრობო უწყებების ქმედებები.

 

 

ლევან იზორიას განცხადებით, მთავარი მიღწევა, რითაც რეფორმები დაიწყო, გახლდათ ის, რომ თავდაცვის ბიუჯეტის სახელფასო და სოციალურ უზრუნველყოფაზე მიმართული 66% შემცირდა. თავდაცვის უწყების ხელმძღვანელის თქმით, რეორგანიზაციისა და ოპტიმიზაციის შედეგად არსებული რიცხვი 53%-მდე შემცირდა და ის ნატოს სტანდარტებს სრულად აკმაყოფილებს. ლევან იზორიამ ასევე მნიშვნელოვანი ყურადღება გაამახვილა ნატოსთან თავსებადი აღჭურვილობისა და შეიარაღების შეძენის აუცილებლობაზე.

 

 

თავდაცვის მინისტრის განმარტებით, საქართველო უკვე აკმაყოფილებს ნატოს მთავარ სტანდარტს და თავდაცვის სფეროსთვის ქვეყნის მთლიანი შიდა პროდუქტის 2% დაიხარჯება, ხოლო აქედან 20%-ზე მეტი შეიარაღების და აღჭურვილობის შეძენას მოხმარდება.

 

 

სამხედრო განათლება, წვრთნები და სწავლებები, საერთაშორისო პროექტები და ნატო-საქართველოს არსებითი პაკეტი, საერთაშორისო მისიები, ტოტალური თავდაცვის კონცეფცია, ნატოსთან თავსებადი აღჭურვილობა და შეიარაღება, ადეკვატური დაფინანსება და საერთაშორისო თანამშრომლობა - ეს ის შვიდი პრიორიტეტული მიმართულება იყო, რომელზეც თავდაცვის უწყების ხელმძღვანელმა საკანონმდებლო ორგანოს წევრების წინაშე დეტალურად ისაუბრა. ანგარიშის დასასრულს ლევან იზორიამ სოციალურ მიმართულებაზე გააკეთა აქცენტი.

 

 

თავდაცვისა და უშიშროების კომიტეტის სხდომაზე საქართველოს თავდაცვის მინისტრის ანგარიში კითხვა-პასუხის რეჟიმში გაგრძელდა.

 

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი