საქართველოში ვიზიტად ნატოს შემფასებელთა ჯგუფი იმყოფება, რომელიც ნატოს საერთაშორისო სამსახურის, საერთაშორისო სამხედრო სამსახურისა და ევროპაში მოკავშირეთა ძალების უმაღლესი შტაბ-ბინის წარმომადგენლებითაა დაკომპლექტებული.
ვიზიტის ფარგლებში, თავდაცვის სამინისტროში უწყებათაშორისი შეხვედრა გაიმართა, რომელსაც საქართველოს თავდაცვის მინისტრის პირველი მოადგილე ლელა ჩიქოვანი უძღვებოდა. შეხვედრის მიზანი ტოტალური თავდაცვის ჭრილში ნატოს მხარისთვის ერთიანი ეროვნული მიდგომებისა და ეროვნული უსაფრთხოების მიზნების უზრუნველყოფისთვის განხორციელებული საკონსტიტუციო და სტრუქტურული სამთავრობო ცვლილებების გაცნობა იყო.
შეხვედრას საგანგებო სიტუაციების მართვის სამსახურის უფროსის მოადგილე შალვა ხუციშვილი, შინაგან საქმეთა მინისტრის მოადგილე ნინო ჯავახაძე, შინაგან საქმეთა სამინისტროს სასაზღვრო პოლიციის უფროსი თემურ კეკელიძე, საქართველოს თავდაცვის მინისტრის მოადგილე გიორგი ბუთხუზი და საქართველოს შეიარაღებული ძალების გენერალური შტაბის უფროსის პირველი მოადგილე პოლკოვნიკი ნიკოლოზ ჯანჯღავა დაესწრნენ.
ნატოს შემფასებელთა ჯგუფის ვიზიტის მიზანია ნატო-საქართველოს თანამშრომლობის მექანიზმების ფარგლებში, (წლიური ეროვნული პროგრამა (ANP), დაგეგმვისა და მიმოხილვის პროცესი (PARP PG), ნატო-საქართველოს არსებითი პაკეტი (SNGP), სამხედრო კომიტეტისა და საქართველოს სამუშაო გეგმა (MC + GEO WP)) მიმდინარე პროცესების შეფასება და სამომავლო გეგმების დასახვა, ასევე, აღნიშნული მექანიზმების თავდაცვის პრიორიტეტებთან სინქრონიზაციის უზრუნველყოფა და ეფექტურობის ამაღლება.
ინფორმაციას თავდაცვის სამინისტროს პრესსამსახური ავრცელებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.