რიგაში, საქართველოს ყოფილი პრეზიდენტი, უკრაინის პრეზიდენტის საერთაშორისო მრჩეველთა საბჭოს თავმჯდომარე მიხეილ სააკაშვილი ლატვიის გენერალურ პროკურორს ერიკს კალნმეიერს შეხვდა და მას ამ პოსტზე ხელახალი არჩევა მიულოცა.
მხარეებმა სამართალდამცავი სტრუქტურების მუშაობაში უკრაინელი რეფორმატორებისთვის გამოცდილების გაზიარების შესაძლებლობა, ასევე, უკრაინიდან უკანონოდ გატანილი ფულის, უკრაინელი ხალხისთვის დაბრუნების საკითხი განიხილეს.
მიხეილ სააკაშვილმა ლატვიის გენერალურ პროკურორს ამ საკითხში დახმარებისათვის მადლობა გადაუხადა.
როგორც ექს-პრეზიდენტი საკუთარ „ფეისბუქის“ გვერდზე წერს, მან საპატიო სტუმართა წიგნში ჩანაწერიც გააკეთა, ხოლო ერიკს კალნმეიერსმა სააკაშვილს ლატვიის პროკურატურის საპატიო ნიშანი გადასცა.
გუშინ გავრცელდა ინფორმაცია იმის შესახებ, რომ საქართველოს პროკურატურამ ლატვიის შესაბამის ორგანოებს, სააკაშვილის გადმოცემის თაობაზე მიმართა, თუმცა, აღნიშნული ინფორმაცია საქართველოს მთავარ პროკურატურას არ დაუდასტურებია.
გუშინვე, სააკაშვილმა მედიასთან ამ საკითხის კომენტირებისას განაცხადა, რომ ასეთი ქმედებებით საქართველოს მთავრობა თავს იბანძებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.