თბილისში სტიქიით დაზარალებულებს ადიგენის, ნინოწმინდის და ბორჯომის მუნიციპალიტეტები ეხმარებიან
22-06-2015, 00:20

შრიფტის ზომა: [ A+ ] / [ A- ]

 

დედაქალაქში სტიქიის შედეგად დაზარალებულთა დასახმარებლად წამოწყებულ საქველმოქმედო აქციას სამცხე-ჯავახეთის რეგიონიც  შეუერთდა.


სოფლის პროდუქტი, ყველი, კარტოფილი, ლობიო, სურსათი და სხვა პირველადი მოხმარების ნივთები - ეს ის ჩამონათვალია, რომელიც დაზარალებულთა დასახმარებლად ადიგენისა და ბორჯომის მუნიციპალიტეტებში შეგროვდა.


ადიგენის მუნიციპალიტეტის გამგეობის პრეს-სამსახურის ინფორმაციით, ჰუმანიტარული ტვირთი თბილისში სამცხე-ჯავახეთის გუბერნატორმა აკაკი მაჭუტაძემ, ადიგენის მუნიციპალიტეტის გამგებელმა ზაქარია ენდელაძემ , გამგებლის მოადგილე მინდია ჯელიამ და ბორჯომის მუნიციპალიტეტის გამგებელმა დიმიტრი ყიფიანმა პირადად ჩაიტანეს.


ნივთების შეგროვების გარდა, სტიქიით დაზარალებულთა დასახმარებლად, ადიგენის მუნიციპალიტეტის გამგეობისა და საკრებულოს თანამშრომლები, ხელფასიდან თანხის ნაწილს დაზარალებულებისათვის გახსნილ სპეციალურ ანგარიშზე გადარიცხავენ.


,, ჩვენ სრულიად ვიზიარებთ სტიქიის შედეგებს და მზად ვართ გვერდში დავუდგეთ დაზარალებულ ოჯახებს. საქველმოქმედო აქციას ადიგენში დიდი გამოხმაურება მოყვა, მინდა ყველას დიდი მადლობა გადავუხადო გულისხმიერებისთვის და თანადგომისთვის.“- განაცხადა ადიგენის მუნიციპალიტეტის გამგებელმა ზაქარია ენდელაძემ.


ნინოწმინდის მუნიციპალიტეტიდან კი 13 ივნისს თბილისში მომხადარი სტიქიური უბედურების დროს დაზარალებულთა დასახმარებლად ნინოწმინდის მუნიციპალიტეტის გამგებლის სახელით,  სოლიდური თანხა, 22 618 ლარი უკვე ჩაირიცხა.


აღნიშნული თანხის გადარიცხვის დამადასტურებელ დოკუმენტს, რომელიც 19 ივნისითაა დათარიღებული, ნინოწმინდის მუნიციპალიტეტის გამგებელი, გაგიკ კარსლიანი Facebook -ის საკუთარ გვერდზე აქვეყნებს.


"სტიქიის შედეგად დაზარალებულთა დასახმარებლად ნინოწმინდის მუნიციპალიტეტიდან", ასეთი მინაწერი აქვს გაკეთებული სოციალურ ქსელში ნინოწმინდის გამგებელს, იმ დოკუმენტის ქვემოთ, რომელიც 22 618 ლარის გადარიცხვას ადასტურებს.

კომენტარები: 0
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი