საქართველოს ყოფილი პრეზიდენტი მიხეილ სააკაშვილი აბსოლუტურად დარწმუნებულია, რომ „ვარდების რევოლუციის“ მე-15 წლისთავზე, 2018 წლის 23 ნოემბერს „საქართველოს ეყოლება ახალი ხელისუფლება“. „რუსთავი 2“-ის გადაცემა „კვირის აქცენტებში“ პირდაპირი ჩართვისას მან ზვიად გამსახურდიასადმი აფხაზების და რუსების მიერ წაყენებულ ულტიმატუმზე, აფხაზეთის დამოუკიდებელ რესპუბლიკად ცნობასთან დაკავშირებით და საქართველოს პირველი პრეზიდენტის მტკიცე უარზე გააკეთა აქცენტი და აღნიშნულ კონტექსტში სალომე ზურაბიშვილის გეგმას გაუსვა ხაზი, რაც სააკაშვილის თქმით, „მოღალატე“ ზურაბიშვილის მიერ აფხაზეთის აღიარებას ითვალისწინებს.

„ჩვენ აუცილებლად დავამარცხებთ მათ 28 ოქტომბერს. მე მიყვარს ციფრები. გიორგობისთვის, 23 ნოემბრისთის ყველაფერი გარკვეული იქნება საქართველოში. 23 ნომებრისთის საქართველოში იქნება... 28 ოქტომბერი არის თარიღი, როცა პირველი ეროვნული ხელისუფლება მოვიდა საქართველოში და მინდა გითხრათ, რომ ზვიად გამსახურიდას ოჩამჩირეში სიკვდილით დაემუქრნენ და ზვიად გამსახურდიამ უარი თქვა აფხაზეთის ცნობაზე, რასაც ეს წუნკალი დედაკაცი ეხლა აპირებს, ეს მოღალატე. ზვიად გამსახურდია, რომელიც მაშინ პირდაპირ სიკვდილზე მიდიოდა, მიუხედავად თავის შეცდმომებისა თუ არაშეცდომებისა, ოჩამჩირეში მოვიდნენ აფხაზები და რუსები უთხრეს: აწერ ხელს აფხაზეთის დამოუკიდებლობას და გაბრუნებთ თბილისში და გამსახურდიას, რომელსაც ამის ალტერნატივად ჰქონდა სიკვდილი და ფიზიკური განადგურება, შეგნებულად წავიდა საკუთარი თავის სიკვდილზე, მერე უკვე ხიბულაში და როდესაც ამაზე საუბარია 28 ოქტომბერს, გამსახურდიამ დაამარცხა და ვერავის ვერ წარმოედგინა კომუნისტების დამარცხება როდისმე საქართველოში, ზუსტად ასევე 23 ნოემბერს, ვერავის ვერ წარმოედგინა, რომ შევარდნაძეს ოდესმე მოვიშორებდით, 23 ნოემბერს 2018 წლის, საქართველოს ეყოლება ახალი ხელისუფლება, ამაში აბსოლუტურად დარწმუნებული ვარ“, განაცხადა სააკაშვილმა.