"ძალიან მომწონს, რომ რუსეთში საქართველოს დროშა ფრიალებს – ამის შესახებ საქართველოს საგარეო საქმეთა მინისტრმა, მაია ფანჯიკიძემ "ტელეიმედის" გადაცემაში "რეაქცია" სტუმრობისას ქართველი სპორტსმენების სოჭის ოლიმპიადაში მონაწილეობის თემაზე საუბრისას განაცხადა.
"ვფიქრობ, საქართველო სოჭის ოლიმპიადაზე, ოლიმპიური დროშის ქვეშ არ უნდა გამოსულიყო. საქართველო დამოუკიდებელი ქვეყანაა, თავისი სუვერენული დროშით და სწორედ მისი სახელით უნდა წარდგენილიყვნენ ჩვენი სპორტსმენები", – განაცხადა მაია ფანჯიკიძემ.
საგარეო საქმეთა მინისტრმა სოჭის ოლიმპიადაზე ქართველი სპორტსმენების გამოსვლის დროს ნაჩვენები საქართველოს რუკის გარშემო სოციალურ ქსელებში ატეხილ აჟიოტაჟზეც გააკეთა კომენტარი და თქვა, რომ "არ შეიძლება საქართელოს რუკა, სადაც აფხაზეთი და ცხინვალი დანისლულია, პროვოკაციად ჩაითვალოს," რადგან ოლიმპიადის ოფიციალური საიტი საქართველოს რუკას ცნობს ისეთს, როგორც ის სინამდვილეშია, საერთაშორისო ნორმებით აღიარებულ საზღვრებში.
"სამწუხაროდ, ტელევიზიით, რუკის ნახვის საშუალება არ მქონია, ვნახე მხოლოდ "Facebook- ზე". არ ვიცი სხვა ქვეყნების რუკები როგორ იყო წარმოდგენილი და საქართველოს რუკაზე ეს ღრუბელი როგორ შეიძლება აიხსნას. ვიცი, რომ ოფიციალურ ვებ-გვერდზე საქართველოს რუკა იყო ისეთი, როგორიც არის საქართველოს რუკა - ინგლისური და ქართული წარწერებით და ამაზე კომენტარებიც ვნახე ჟურნალისტების მხრიდან, რომ რუსეთმა აღიარა საქართველოს მთლიანობა. ვფიქრობ, რომ ეს არ შეიძლება ჩაითვალოს პროვოკაციად", - აღნიშნა მაია ფანჯიკიძემ.
ცნობისათვის, სოჭის ოლიმპიადაზე ქართველი ოლიმპიელების გამოსვლისას მონიტორზე გამოჩნდა საქართველოს რუკა, სადაც რუსეთის მიერ ოკუპირებული აფხაზეთისა და ცხინვალის რეგიონების ტერიტორიებზე ნისლის მსგავსი თეთრი გამოსახულებები შეინიშნებოდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.