საოკუპაციო ხაზის ე.წ. ნიშნულების გადმოწევასთან დაკავშირებით პირველივე დღიდან ძალიან აქტიური მუშაობა მიმდინარეობს საერთაშორისო საზოგადოებასთან და ყველა ფორმატი, ყველა შესაძლო კონტაქტი გამოყენებულია, – ამის შესაახებ საგარეო საქმეთა მინისტრმა თამარ ბერუჩაშვილმა გუშინ ჟურნალისტებს განუცხადა.
“თქვენთვის კარგად არის ცნობილი ყველა ის განცხადებები, რომელიც უკვე გაკეთდა. დღევანდელ ინციდენტთან დაკავშირებით მინდა განსაკუთრებულად ხაზი გავუსვა იმას, რომ სიტუაციის სირთულიდან გამომდინარე, მნიშვნელოვანია გავაკეთოთ ყველაფერი, რათა თავიდან იქნას აცილებული ნებისმიერი ტიპის პროვოკაცია, რომელიც კიდევ უფრო გაართულებს მდგომარეობას ადგილზე. ჩვენთვის მიუღებელია ნებისმიერი ბანერი იმ შინაარსის, რომელიც დგას საქართველოს ოკუპირებულ ტერიტორიაზე, ამიტომ ძალზედ მნიშვნელოვანია კარგად ვიცოდეთ, ემოციები ამ საკითხში არ გამოგვადგება. ეს არის რთული, ხანგრძლივი პროცესი. მას არ აქვს გადაწყვეტის უნივერსალური რეცეპტი, მაგრამ ძალიან დიდია იმის ალბათობა, რომ არასწორი ნაბიჯის გადადგმის შემთხვევაში ჩვენ გამოვიწვიოთ პროვოკაცია. ეს იქნება დესტაბილიზაციის მომტანი ქვეყნისთვის, რაც ნამდვილად არ სჭირდება საქართველოს”, – განაცხადა ბერუჩაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.