გეგუთის კოლონიაში პატიმართა მიერ გამოცხადებულ დაუმორჩილებლობას შეეხო პრემიერ-მინისტრი ტელეკომპანია "იმედის" ეთერში გამოსვლისას.
ირაკლი ღარიბაშვილმა აღნიშნა, რომ "სამწუხაროა, როცა პატიმრები ასეთ რადიკალურ ზომებს მიმართავენ, თვითდაზიანებას ვგულისხმობ".
პრემიერმა განაგრძო: "საინტერსო იყო, იგივე სახალხო დამცველის შეფასება, რაც მან თვითონვე ნახა, ერთ-ერთ პატიმარს ეხებოდა, როდესაც ის ტელეფონით ატყობინებდა, მე რაც მოვისმინე იმას გიყვებით, ვიმეორებ, ერთ-ერთი პატიმარი ამბობდა, რომ ის იყო საშინლად ნაცემი თუ ნაწამები, თუ მასზე ზეწოლა განხორციელდა ფიზიკური და ამ დროს თვითონ სახალხო დამცველის წარმომადგენელის მიერ იქნა ეს ადამიანი შემოწმებული, გამოკითხული და მასზე არავითარი ზეწოლა არ იყო განხორციელებული".
ღარიბაშვილმა გადაცემაში განაცხადა, რომ მას შინაგან საქმეთა მინისტრთანაც ჰქონდა საუბარი და ამჟამად სამართალდამცველების მიერ ინფორმაციის გადამოწმება ხდება, თუმცა ის რაც ამ ეტაპზე შეიძლება ითქვას, პრემიერ-მინისტრის აზრით ისაა, რომ "სამწუხაროდ, გარედანაც არის მართული ხშირ შემთხვევაში მსგავსი პროვოკაციები, ასე ვთქვათ მხარდაჭერილი".
პრემიერ-მინისტრმა ღარიბაშვილმა "სხვადასხვა ოდიოზურ პიროვნებაზე" გააკეთა მინიშნება თუმცა არ დაუკონკრეტებია ვის გულისხმობდა მათ რიცხვში. პრემიერი ამბობს, რომ ეს უნდა იყოს გამოძიებული და ყველა ის პიროვნება, რომელიც მსგავსი ტიპის პროვოკაციებს აწყობს ხელოვნურად, უნდა იყოს პასუხისგებაში მიცემული".
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.