საქართველოს ჯანდაცვის მინისტრის დავით სერგეენკოს განცხადებით, ჯანდაცვის და სოციალური მიმართულებით ბიუჯეტის კორექტირების საკითხი არ განიხილება. ამის შესახებ მთავრობის სხდომის დაწყების წინ სერგეენკომ ლარის კურსის ვარდნის კომენტირებისას განუცხადა. სერგეენკო დარწმუნებული, რომ ეკონომიკური გუნდი ყველაფერს გააკეთებს მდგომარეობის სტაბილიზაციისთვის.
"მე შემიძლია დანამდვილებით გითხრათ, რომ არ მოიაზრება იმ პროექტების შემცირება, რომელიც მიმდინარეობს, პირიქით, იქნება გაუმჯობესება, ზოგადად კურსის ცვლილებას რაც შეეხება, ალბათ, ეკონომიკური გუნდი ყველაფერს გააკეთებს იმისთვის, რმ სტაბილურობა იყოს შენარჩუნებული", - განაცხადა სერგეენკომ.
რაც შეეხება იმას, უნდა ჩაერიოს თუ არა ეროვნული ბანკი კურსის დასარეგულირებლად, სერგეენკოს თქმით, ეს ეკონომიკური საკითხია და მას ექსპერტული მოსაზრების გაკეთება გაუჭირდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.