[xfgiven_poster][/xfgiven_poster]
"დემოკრატიული მოძრაობის" ლიდერი, ნინო ბურჯანაძე ვადამდელი საპარლამენტო არჩევნების ჩატარების აუცილებლობაზე საუბრობს.
მან საგანგებო განცხადება გააკეთა და განაცხადა, რომ ხელისუფლება და პრეზიდენტი მარგველაშვილი კოჰაბიტაციის დასრულების თაობაზე წინასაარჩევნოდ გაცემული დაპირების შესრულებას არ აპირებს.
"საქართველოს მოსახლეობამ უკვე დიდი ხანია, დაინახა, რომ არანაირი კოჰაბიტაციის დასრულება არ იგეგმება. ჩვენ "ნაციონალურ მოძრაობასა" და ხელისუფლებას შორის შეხმატკბილებულ ურთიერთობას ვხედავთ. ამ განცხადების საფუძველს "ქართული ოცნების" ერთ-ერთი ლიდერის, ლევან ბერძენიშვილის დღევანდელი განცხადება მაძლევს, სადაც ის საუბრობს, რომ "ქართული ოცნება" "ნაციონალური მოძრაობის" გაძლიერებას, რებრენდინგს გულშემატკივრობდა და წუხს, რომ ეს პარტია ამას ვერ ახერხებს.
ვფიქრობ, მისმა ამ განცხადებამ და "ნაციონალური მოძრაობის" ვერგაძლიერების გამო გოდებამ, უნდა მიგვაღებინოს გადაწყვეტილება, რომ ქვეყანაში ისეთი პარლამენტი მოვითხოვოთ, რომელიც საქართველოს მოსახლეობის განწყობას რეალურად ასახავს. ქვეყანაში ვადამდელი საპარლამენტო არჩევნების დანიშვნის შესახებ საკითხი უნდა დაისვას და "ქართული ოცნების" ერთ-ერთი ლიდერის დღევანდელმა განცხადებამ ამაში ძალიან ბევრი ადამიანი უნდა დაარწმუნოს", - განაცხადა ბურჯანაძემ.
მისივე თქმით, "ქართული ოცნება" და "ნაციონალური მოძრაობა" გარიგებულები არიან. ამასთან ბურჯანაძე მიიჩნევს, რომ ხელისუფლებამ ქვეყანაში სამართლიანობის აღდგენა ვერ მოახერხა.
"მარგველაშვილი გვარწმუნებდა, რომ 28 ოქტომბერს კოჰაბიტაცია დასრულდებოდა, თუმცა ამის სანაცვლოდ "ქართული ოცნება" აგრძელებს მცდელობას, ქვეყანაში ორპარტიული სისტემა ჩამოაყალიბოს. გასაკვირი არაა ამ ყველაფრის შემდეგ ქვეყანაში სამართლიაონობის აღდგენა რატომ არ ხდება, დამნაშავეები რეალურად რატომ არ ისჯებიან, რატომ დადის სააკაშვილი და ყველას მორალს გვიკითხავს, რატომ არავის დაუბრუნდა საქართველოში წართმეული ქონება გარდა "ქართული ოცნების" წარმომადგენლებისა და ა.შ.", - განაცხადა ნინო ბურჯანაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.