ბორჯღალოსნებმა მსოფლიო თასის დასკვნით შეხვედრაში ნამიბია დაძაბულ ბრძოლაში, მინიმალური სხვაობით დაამარცხეს - 17:16.
მატჩის პირველ ნახევარში მეტოქის ბინძური თამაშის შედეგად ტაიმი 50 წუთს გაგრძელდა და აფრიკელებმა 6:0 მოიგეს. დამატებულ წუთებზე ნამიბიელთა ორი მორაგბე სინბინით დაისაჯა და მეორე ნახევარი მათ 13 კაცით დაიწყეს.
თამაში რომ განახლდა მამუკა გორგოძემ მეტოქის დაცვა გატეხა და დაამიწა, რასაც მერაბ კვირიკაშვილის გარდასახვა მოყვა. მალევე ქართველთა კარგი იერიში, კერძოდ გიორგი თხილაიშვილის საუცხოო თამაში, ლაშა მალაღურაძემ მეორე ლელოდ აქცია, ხოლო კვირიკაშვილმა გარდასახვას ზუსტი ჯარიმა მიაყოლა და 17:6 დავწინაურდით.
დასკვნითმა წუთებმა ნამიბიელთა აქტიურობით ჩაიარა. მათ ჯერ ჯარიმით შეამცირეს ჩამორჩენა, მერე ლელო გაიტანეს და გარდასახვით სხვაობა მინიმუმამდე დაიყვანეს 17:16. ეს მატჩის საბოლოო ანგარიშია და მიუხედავად ბორჯღალოსნების მცირე სხვაობით გამარჯვებისა, ბიჭებმა მიზნის მიღწევა შეძლეს – 2015 წლის მსოფლიო თასზე დაგეგმილი 2 მატჩი მოიგეს, რითიც ჯგუფში მესამე ადგილი დაიკავეს და ხვალინდელი ტონგა-ახალი ზელანდიის მატჩის შედეგით ამ მდგომარეობას მოლოდინისამებრ შეინარჩუნებენ და 2019 წლის მსოფლიო თასზე სასპარეზოდ ხვალვე შეირჩევიან.
http://site.rugby.ge
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.