ამ თინათინ ხიდაშელს მინდა ვუთხრა, რომელიც დროშებით დარბის, მაგ დროშებით წაბრძანდები - ეს განცხადება, ტელეკომპანია "ობიექტივის" ეთერში, სატელეფონო ჩართვისას "პატრიოტთა ალიანსის" საგარეჯოს მაჟორიტარობის კანდიდატმა ირმა ინაშვილმა გააკეთა. ინაშვილმა თავდაცვის მინისტრი არჩევნების გაყალბებაში პირადად დაადანაშაულა და მისი გადაყენება მოითხოვა.
"რაც შეეხება იორმუღანლოს, წარმოუდგენელი , რომ თორმეტივე უბანში მე წავაგე. დარღვეულია ბალანსი, მე 25 ხმა მაქვს იმათ 300. მარტო ერთ ქორწილში, სადაც ვიყავი, 500 კაცი ტაშს მიკრავდა, როგორ ავიღე იმ სოფელში 20 ხმა. ჩაიყვანეს ზონდერები, ჩაიყვანეს ბაქოდან სტუდენტები, ჩამოიყვანეს მარნეულიდან სრულიად უცხო ხალხი. მიდიოდა მასობრივი გაყალბება იორმუღანლოს საარჩევნო უბნებზე. რა გამოდის, რომ ჯარმა და აზერბაიჯანულმა სოფლებმა მოუგეს საგარეჯოელებს? თქვენ იცით რა ხდება საგარეჯოში? ხალხი ფეხზე დგას, ტირის ხალხი. ყველა სოფელი ტირის და რატომ უნდა წაართვა ეს არჩევანი ამ ხალხს, რა დააშავა ამ ხალხმა. ამ ხელისუფლებას ვეუბნები, ეს არის თქვენი ქართული ოცნება? მე მოვითხოვე თავდაცვის მინისტრის თანამდებობიდან გადაყენება. ამ მოთხოვნას ჩვენ გავაძლიერებთ ხვალიდან, არავის არ ეგონოს, რომ მარტო სასამართლო გზით ვიმოქმედებთ. "რესპუბლიკური პარტია" ეს არის "ნაციონალური მოძრაობა" 2 და მიხეილ სააკაშვილმა ორმა მოგვიგო დღეს არჩევნები,"-განაცხადა ირმა ინაშვილმა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.