გიორგობის დღესასწაულზე, სამთავროს დედათა მონასტერში სალოცავად მისული მეუფე ილარიონ სამხარაძე ტაძარში მყოფმა მღვდლებმა სცემეს. ფიზიკური შეურაცხყოფა მიაყენეს მეუფის მხლებელ დედა ნინოსაც, რომელიც ამავე დროს, მეუფის პირადი ადვოკატი ნათია სირაძეა.
როგორც guardian.ge-ს დედა ნინომ განუცხადა, აღნიშნული ინციდენტი მეუფე ილარიონის დევნის პირველი შემთხვევა არ არის და ის წლებია ამ ტკივილს იტანს.
„მეუფე ილარიონ სამხარაძე არის მოქმედი ეპისკოპოსი და ღია ცის ქვეშ ლოცულობს, 17 წელი მდუმარებაში გაატარა, მანამდე კი ბოდბის ეპარქიის ქორეპისკოპოსი გახლდათ. მას 40 წელზე მეტია სდევნიან. ყველაფერი კი დაიწყო იქედან, რომ მეუფე ყოველთვის გამოდიოდა მზაკვრობისა და ფარისევლობის წინააღმდეგ. ის პირველი იყო, ვინც ილია მეორის წინააღმდეგ ხმა აღიმაღლა. პატრიარქ დავით V-ის ანდერძით, მისი სიკვდილის შემდეგ პატრიარქად სწორედ ის უნდა ეკურთხებინათ. გუშინაც, დედათა მონასტერში მისულებს ფიზიკური შეურაცხყოფა მოგვაყენეს. მე მაშინვე ხელის კვრითა და ცემით გამათრიეს და დამაშორეს მეუფეს. თავად ტაძარში შესული მეუფე კი წააქციეს, კვერთხის წართმევა სცადეს და ცემა დაუწყეს მღვდლებმა. ირგვლივ ვინც იყო მრევლი, არავის მისცეს საშუალება დაგვხმარებოდნენ“ - განმარტა დედა ნინომ.
მისივე თქმით, ადგილზე გამოიძახეს პატრულიც, თუმცა, საპატრულო ეკიპაჟის თანამშრომელი გულგრილობით მოეკიდა მომხდარს.
„მე თავად გამოვიძახე პატრული. ადგილზე მოსულ პატრულის თანამშრომელს ვეუბნებოდი, რომ შემეძლო მეჩვენებინა კონკრეტული ადამიანები, ვინც ეს ჩაიდინა და რომლებიც მაშინ ტაძარში იყვნენ შეყუჟულები. თუმცა, პატრულის თანამშრომელმა გამომიცხადა, ნუ მასწავლით რა გავაკეთო, ჩემი საქმის მე თავად ვიციო. გამოძახებული გვყავდა სასწრაფო დახმარებაც, რადგან ძალიან ცუდად ვიყავით მეუფეც და მეც. მეუფე ახლაც შეუძლოდაა. თქვენ წარმოგიდგენიათ, ამხელა წმინდა მამის წინაშე რომ ამდენს ბედავენ, ერს რას უზამენ? თუ იუდამ ქრისტე 30 ვერცხლად გაყიდა, დღევანდელი სამღვდელოება კვერცხის ფასად ყიდის ქვეყანას. დღევანდელი სამღვდელოება ერს ტყუილში ამყოფებს. გემახსოვრებათ, როგორ აკეთეს ფული მამა გაბრიელის საფლავზე. როგორ შეიძლება ააშენო სამება, როდესაც ანჩისხატი გყავს დატყვევებული? ესენი არიან ჩვეულებრივი ბიზნესმენები, მადლის მძარცველები. ყველაფერ ამის საწინააღდეგოდ რომ იმაღლებს ხმას მეუფე ილარიონი, ამიტომაც არის დევნილი, შევიწროებული, შეურაცხყოფილი“ - აცხადებს დედა ნინო.
Guardian.ge-მ სცადა დაკავშირება მცხეთის პოლიციასთან, კონკრეტულად კი ბექა აკობიასთან, რომელსაც უნდა ეწარმოებინა აღნიშნული საქმე, თუმცა, უშედეგოდ. მასთან დაკავშირება არ ხერხდება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.