ქართველმა მორაგბეებმა რუსები „დინამო არენაზე“ ანგარიშით 36:10 დაამარცხეს
22-02-2014, 18:43

შრიფტის ზომა: [ A+ ] / [ A- ]

 

ქართველმა მორაგბეებმა რუსები "დინამო არენაზე" ანგარიშით 36:10 დაამარცხეს

 

 

საქართველოს მორაგბეთა ეროვნული ნაკრები ევროპის ერთა თასის მიმდინარე სეზონის მე-3 ტურის შეხვედრაში რუსეთის ეროვნულ ნაკრებს თბილისში "დინამო არენაზე" მასპინძლოდა.

 


რაგბში საქართველოსა და რუსეთის ნაკრებ გუნდებს შორის პირველი ტაიმი ქართველების გამარჯვებით,ანგარიშით 10:7 დასრულდა.

 

                               

 

თავდაპირველად თამაში რუსების უპირატესობით დაიწყო და დაახლოებით მე-10 წუთზე ანგარიში 7:0 გახდა, რუსეთის ნაკრების სასარგებლოდ, ლელო ანდრეი ოტროკოვმა დადო. 21-ე წუთზე ქართველმა მორაგბეებმა ანგარიშის გათანაბრების უპირატესობა ვერ გამოიყენეს. ქართველებს ლელოს დადებამდე 1 მეტრიღა აშორებდათ. მსაჯმა საჯარიმო დანიშნა. კვირიკაშვილის შესრულებული ჯარიმის შედეგად ანგარიში 7:3 გახდა. 28-ე წუთზე დავით ზირაქაშვილის გატანილი ლელოთი, ქართველებმა უპირატესობა მოიპოვეს და რუსებს ერთი ქულით გადაუსწრეს. კვრიკაშვილის შესრულებულმა გარდასხვამ კი 29-ე წუთზე ანგარიში ქართველების სასარგებლოდ 10:7 გახადა.

 

                                 

 

მე-2 ტაიმის დასაწყისშივე ანგარიში კიდევ ერთხელ შეიცვალა და ქართველი მორაგბის დადებული ლელოს შედეგად ანგარიში 15:7 გახდა. კვირიკაშვილის რეალიზაციის შესრულების შემდეგ კი ქართველებმა ათქულიანი უპირატესობა მოიპოვეს, (17:7).

 


51- წუთზე მესამე ლელო მამუკა გორგოძემ გაიტანა რის შემდეგაც რეალიზაცია ისევ კვირიკაშვილმა განახორციელა და ანგარიში 27:7 გახდა.

 


მალევე, 57-ე წუთზე რუსებმა 3 ქულით წაიწიეს წინ, რის შედეგადაც ანგარიში 24:10 გახდა.

 

                             

 

71-ე წუთზე თედო ზივზივაძის ბრწყინვალედ გატანილმა ლელომ ქართველების ანგარიში კიდევ 5-ით გაზარდა და ანგარიში 29:10 გახადა. ზივზივაძის ლელოს შემდეგ მერაბ კვირიკაშვილმა რეალიზაცია შეასრულა, თუმცა ამჯერად არაზუსტად.

 

 

მატჩის დასასრულს ქართველებმა ტექნიკური ლელო დადეს, რის შემდეგაც შეცვლაზე შემოსული ლაშა მალაღურაძის მიერ რეალიზაცია შესრულდა და საბოლოო ანგარიში 36:10 გახდა.

 

 

ქართველმა მორაგბეებმა აღნიშნულ მატჩში 5 ლელოს გატანა შეძლეს, რის შედეგადაც პრემიალური ქულით გაიმარჯვეს. მატჩის საუკეთესო მოთამაშედ მერაბ კვირიკაშვილი დასახელდა.

 

 

ბოლო 20 წლის განმავლობაში, ქართველ რაგბისტებთან 17 შეხვედრიდან რუსებს მხოლოდ ერთადერთი მატჩი აქვთ მოგებული და მხოლოდ ერთი მატჩი დასრულდა ფრედ. ყველა დანარჩენი 15 შეხვედრა ქართველებს აქვთ მოგებული.

 

 

დღევანდელ შეხვედრას, დაახლოებით 45 000 გულშემატკივართან ერთად, საქართველოში ოფიციალურ ვიზიტად მყოფი რაგბის საერთაშორისო საბჭოს (IRB) პრეზიდენტი ბერნარ ლაპასეც ესწრება. მატჩი "დინამო არენაზე" 17:00 საათზე დაიწყო.

 


აღსანიშნავია, რომ საქართველო-რუსეთის მორაგბეთა ნაკრებების მატჩი"დინამო არენაზე" უკრაინაში გარდაცვლილებისათვის პატივის მიგებით, წუთიერი დუმილით, დაიწყო. როგორც სტადიონზე გამოცხადდა, წუთიერი დუმილი საქართველოსა და რუსეთის მორაგბეთა ნაკრებების წევრთა თხოვნა იყო.

 

 

მანამდე კი, "დინამო არენაზე" საქართველოსა და რუსეთის ეროვნული ჰიმნები შესრულდა. რუსეთის ჰიმნის შესრულებამ გულშემატკივრების სტვენის ფონზე ჩაიარა.

 

                             

 

 

 

 

კომენტარები: 1
#1   შოთა
      
კიდე ერთხელ გავუდეთ!
22 თებერვალი 2014 20:21
კომენტარის დატოვება

თქვენი სახელი:*
თქვენი E-Mail:
  ქართულად წერა  
 

ძვირფასო მკითხველო! გამოხატეთ თქვენი აზრი აღნიშნული თემის გარშემო. გთხოვთ დაიცვათ კორექტულობა და პატივი სცეთ სხვების მოსაზრებებს.

მუქი დახრილი ხაზგასმული აღნიშნული | მარცხნივ განთავსება ცენტრში განთავსება მარჯვნივ განთავსება | სმაილების ჩასმა ლინკის ჩასმაფარული ლინკის ჩასმა Choice the color | ფარული ტექსტი ციტირების ჩასმა მონიშნული ტექტსი კირილიკურზე გადაყვანა. Insert spoiler

შეიყვანე კოდი: *

მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.

GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

ყველაზე კითხვადი
ბოლო სიახლეები
ამინდის პროგნოზი
ვალუტის კურსი