დიდი ბრიტანეთის თემთა პალატაში დეპუტატები კენჭს უყრიან წინადადებას, დაუჭირონ თუ არა მხარი სირიის საჰაერო დაბომბვას, რომელიც ე.წ. "ისლამური სახელმწიფოს" სამხედრო დაჯგუფების განადგურებისკენ იქნება მიმართული.
როგორც BBC იუწყება, თემთა პალატაში დღეს ამ საკითხზე 10-საათიანი დებატები გაიმართება, რომლის კულმინაციაც კენჭისყრა იქნება. სწორედ დღეს გაირკვევა, შეუერთდება თუ არა დიდი ბრიტანეთი აშშ-ს, საფრანგეთს, რუსეთსა და სხვებს რაყასა და სხვა ადგილებში გამაგრებული მებრძოლების დაბომბვებში.
დიდი ბრიტანეთის პრემიერ მინისტრმა დევიდ ქამერონმა განაცხადა, რომ ისლამური სახელმწიფო საფრთხეს წარმოადგენს ბრიტანეთის უსაფრთხოებისთვის. ლეიბორისტების ლიდერი ჯერემი კორბინი ეწინააღმდეგება დაბომბვებს, მაგრამ მისი პარტიის წევრებს არჩევანის გაკეთებაში თავისუფლებაას აძლევს.
მოელიან, რომ ლეიბორისტებიდან 50-მდე დეპუტატი მხარს დაუჭერს ქამერონის წინადადებას. ასევე მოელიან, რომ ორივე, ლიბერალ-დემოკრატები და დემოკრატიული გაერთიანების პარტია მხარს დაუჭერს პრემიერ მინისტრის წინადადებას, რაც ქამერონს საშუალებას მისცემს სირიის 4-წლიან კონფლიქტში სამხედრო ჩარევა განახორციელოს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.