ამერიკის შეერთებულ შტატებში ოფიციალური ვიზიტის ფარგლებში, გიორგი მღებრიშვილი ჯორჯიის შტატის საგამოძიებო ბიუროს ექსპერტიზის ლაბორატორიას ეწვია და უწყების ხელმძღვანელს - ჯორჯ ჰერინის შეხვდა.
საქართველოს შინაგან საქმეთა სამინისტროს ინფორმაციით, მასპინძლებმა გიორგი მღებრიშვილს მაღალტექნოლოგიური ლაბორატორია დაათვალიერებინეს, დანაშულის გამოძიებისა და პრევენციის უახლესი მეთოდები გააცნეს.
ჯორჯიის შტატის ექსპერტიზის ლაბორატორიაში წელიწადში 57000-დან 100000-მდე სავარაუდო ნივთმტკიცება მუშავდება და 5000-მდე დნმ-ის ანალიზი ტარდება.
გიორგი მღებრიშვილმა განაღმვის დანაყოფიც მოინახულა და ამერიკული მხარის მიერ საქართველოსთვის გადმოსაცემად განკუთვნილი სპეციალური აღჭურვილობა დაათვალიერა.
საქართველოს შინაგან საქმეთა სამინისტროსა და აშშ-ს ჯორჯიას შტატის სამართალდამცველებს მრავალწლიანი, მჭიდრო თანამშრომლობა აკავშირებთ.
აშშ-ს სახელმწიფო ანტინარკოტიკული და სამართალდამცავ ორგანოებთან ურთიერთობის საერთაშორისო ბიუროს (INL) ტრენინგ-პროგრამის „ჯორჯია-საქართველოსთვის“ ფარგლებში, წლების განმავლობაში, წარმატებით განხორციელდა მრავალი სასწავლო ვიზიტი და გაცვლითი პროგრამა, ჩატარდა ათობით ტრენინგი სხვადასხვა სამართალდაცვით სფეროში: კრიმინოლოგია, კრიმინალისტიკა, პროფესიული განვითარება, საგზაო მოძრაობის უსაფრთხოება, პატრულირება, მენეჯმენტი/მართვა, სპეც.იარაღების გამოყენება და ტაქტიკა, საზოგადოებაზე ორიენტირებული პოლიცია და სხვა. პროგრამა ხელს უწყობს ურთიერთობების განვითარებასა და გამოცდილების გაზიარებას ორი ქვეყნის სამართალდამცავ ორგანოებს შორის.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.