უშიშროების საბჭოს ყოფილი მდივანი და"ნაციონალური მოძრაობის" ერთ-ერთი ლიდერი გიგა ბოკერია პრემიერ-მინისტრ ირაკლი ღარიბაშვილისა და ამერიკის პრეზიდენტ ბარაკ ობამას შეხვედრას დადებითად აფასებს და იმედს იტოვებს, რომ "პრემიერი უკეთ იყო მომზადებული, ვიდრე მიუნხენის კონფერენციაზე".
"ძალიან კარგია, რომ შედგა პრემიერის შეხვედრა თეთრ სახლში. წელიწადნახევარია გასული, რაც ახალი მთავრობაა და ძალიან მნიშვნელოვანია, რომ უმაღლეს დონეზე შეხვედრა შედგეს სტრატეგიული პარტნიორობისთვის. ჩვენ მადლიერი ვართ პრეზიდენტ ობამასი, რომ ასეთ მომენტში, როდესაც რუსეთის ფედერაცია კვლავ წევს საოკუპაციო ხაზს ჩვენი ტერიტორიის სიღრმეში, უკრაინის მოვლენების ფონზე, კიდევ ერთხელ მკაფიოდ დააფიქსირა მხარდაჭერა საქართველოს სუვერენტიტესიდამი, ჩვენი თავისუფალი არჩევანის მიმართ", - განაცხადა გიგა ბოკერიამ და გამოხატა დაინტერესება თუ კონკრეტულად რა საკითხები დასვა საქართველოს პრემიერ-მინისტრმა პრეზიდენტ ობამასთან შეხვედრაზე.
"იმედი მაქვს, პრემიერი უკეთ იყო მომზადებული, ვიდრე მიუნხენის კონფერენციაზე. ჩვენ გვაინტერსებს, კონკრეტულად რა საკითხები დასვა მან, ეს არის მნიშვნელოვანი და იმედია, მოვისმენთ უფრო მეტს. მან ისაუბრა ორმხრივი ეკონომიკური ურთიერთობების გაღრმავებაზე, ეს კარგია, მაგრამ არის ერთი კონკრეტული საკითხი, რომელზე მოლაპარაკებების დაწყებაც იყო მიღწეული წინა შეხვედრაზე და ეს არის თავისუფალი ვაჭრობის საკითხი. საინტერესოა, თუ რა ეტაპზე ვართ ამ პროცესში", - აღნიშნა ჟურნალისტებთან საუბრისას გიგა ბოკერიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.