კოალიცია "ქართული ოცნების" დედაქალაქის მერობის კანდიდატი დავით ნარმანია დღეს თბილისის ხანდაზმულთა პანსიონატს ეწვია და იქ არსებულ პრობლემებს გაეცნო.
პანსიონატის დირექტორის დარეჯან თომაძის თქმით, მოსაწესრიგებელია შენობა, გათბობისა და ცხელი წყლის სისტემები; შემოსაღობია პანსიონატის ეზოც, ხანდაზმულები კი მედიკამენტების უფრო მეტ რაოდენობას საჭიროებენ . თომაძე იმედოვნებს, რომ არჩევნებში გამარჯვების შემთხვევაში, დავით ნარმანია პანსიონატის ბინადართ ცხოვრების უეკეთეს გარემოს შეუქმნის.
"ჩვენ არ დაგტოვებთ პრობლემების პირისპირ და ერთად ვიზრუნებთ თქვენთვის ღირსებული პირობების შესაქმნელად", - განაცხადა დავით ნარმანიამ ხანდაზმულებთან შეხვედრაზე.
მისივე თქმით, ხანდაზმულებს განსაკუთრებული სითბო სჭირდებათ და საკმარისი არ არის ის, რისი გაკეთებაც ამ პატივსაცემი ადამიანებისთვის დღემდე მოხერხდა.
ნარმანიას პანსიონატის დირექტორმა ახალგაზრდა ამერიკელი მისიონერები წარუდგინა. 15 ამერიკელი ახალგაზრდა უკვე ერთი წელია, რაც პანსიონატში საქმიანობენ და სხვადასხვა სახის დახმარებას უწევენ პანსიონატის დირექციას.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.