საქნახშირის ადმინისტრაცია გაფიცულ მეშახტეებს ამ დრომდე არ გამოხმაურებია. 23 თებერვლის შეხვედრა, რომელიც „ჯი-აი-ჯი ჯგუფის“ გენერალურმა დირექტორმა, ვახტანგ ჩხეიძემ, დააანონსა, ჯერ არ შემდგარა. ფართომასშტაბიანი მიტინგი ტყიბულის მუნიციპალიტეტის გამგეობის წინ, კარლო ლომაძის მოედანზე, დღის 12 საათზე დაიწყო. ამის შესახებ ტყიბულის მუნიციპალიტეტის საინფორმაციო ცენტრი იუწყება.
საპროტესტო აქციაზე საქართველოს პარლამენტის წევრი, ტყიბულის მაჟორიტარი დეპუტატი, ელისო ჩაფიძე, მუნიციპალიტეტის გამგებელი, რობიზონ გვენეტაძე და საკრებულოს თავმჯდომარე, თამაზ კუბლაშვილიც მივიდნენ. მათ სიტყვით მიმართეს გაფიცულებს და მხარდაჭერა გამოუცხადეს სამართლიან მოთხოვნებში.
საინფორმაციო ცენტრის ინფორმაციით, აქციას ქსნის, ზესტაფონისა და ჭიათურის მუშათა პროფკავშირების წარმომადგენლები, სტუდენტური მოძრაობის წევრები თბილისიდან, შახტაში დამარცხებული, ეტლებში მსხდომი მუშები და ადგილობრივი მოსახლეობის წარმომადგენლები შეუერთდნენ.
საგაფიცვო კომიტეტის აქტივისტთა თქმით, მიტინგის მონაწილეები, მშვიდობიანი მსვლელობით მინდელის სახელობის შახტის ტერიტორიაზე გადაინაცვლებენ და ადმინისტრაციის პასუხისმგებელ პირებს სათანადო გამოხმაურებისკენ კიდევ ერთხელ მოუწოდებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.