თბილისი რუსთავს 2015 წლის ბოლომდე ავტობანით დაუკავშირდება. ახალი ავტომაგისტრალის მშენებლობის პროცესი დღეს საქართველოს პრემიერ-მინისტრმა ირაკლი ღარიბაშვილმა დაათვალიერა.
პროექტის შესახებ მთავრობის მეთაურს ინფორმაცია რეგიონული განვითარებისა და ინფრასტრუქტურის მინისტრმა ელგუჯა ხოკრიშვილმა და ქვემო ქართლის გუბერნატორმა გიორგი მღებრიშვილმა მიაწოდეს.
მათი ინფორმაციით, ახალი ავტომაგისტრალის დასრულების შემდეგ თბილისიდან რუსთავამდე მგზავრობას 15 წუთი დასჭირდება.
საქართველოს პრემიერ-მინისტრი მშენებლობაზე დასაქმებულებსაც გაესაუბრა. ირაკლი ღარიბაშვილის განმარტებით, გარდა იმისა, რომ ავტობანი მუდმივი საცობებისა და ავარიული სიტუაციების საფრთხეს მოხსნის, პროექტი მნიშვნელოვანია იმ კუთხითაც, რომ მშენებლობაზე 200-მდე ადგილობრივი მცხოვრებია დასაქმებული.
ავტომაგისტრალის სამშენებლო სამუშაოები ტენდერში გამარჯვებულმა კომპანია "სინოჰიდრო კორპორეიშენ ლიმიტედმა" 22 აპრილს დაიწყო. მშენებლობა 17 თვეში უნდა დასრულდეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.