პრემიერმა გარდაბანში კომბინირებული საკვების საწარმო დაათვალიერა საქართველოს პრემიერ-მინისტრმა გარდაბანში კომბინირებული საკვების საწარმო GEOFEED-ი დაათვალიერა. მთავრობის მეთაური საწარმოო პროცესს გაეცნო და დასაქმებულებს გაესაუბრა.
როგორც საწარმოს მფლობელმა ირაკლი ღარიბაშვილს განუმარტა, ქარხანა 40 დასახელების უმაღლესი ხარისხის გრანულირებულ-კომბინირებულ საკვებს აწარმოებს. საქართველოს პრემიერ-მინისტრმა კმაყოფილება გამოთქვა, რომ 2012 წლიდან დღემდე გარდაბნის მუნიციპალიტეტში უცხოური და პირდაპირი ინვესტიციის შედეგად რამდენიმე მსხვილი საწარმო აშენდა და გაფართოვდა. მისი შეფასებით, ქარხნის მუშაობა და ლოკალურად წარმოებული პროდუქტის მოხმარება რეგიონის მკვიდრთათვის და სოფლის მეურნეობის განვითარებისთვის სტიმული იქნება.
პრემიერის პრესსამსახურის ცნობით, კომბინირებული (გრანულირებული) საკვების საწარმო GEOFEED-ი 2014 წლის თებერვალში გაიხსნა. შპს "ფარიდის" მიერ საწარმოში განხორციელებულმა პირდაპირმა ინვესტიციამ 1.8 მლნ აშშ დოლარი შეადგინა. GEOFEED-ი პირუტყვის, ფრინველის და თევზის მოხმარებისთვის თვეში – 900, ხოლო წელიწადში საშუალოდ 11 000 ტონამდე 40 დასახელების უმაღლესი ხარისხის გრანულირებულ/კომბინირებულ საკვებს აწარმოებს. საწარმოში ამჟამად 26 ადამიანი მუშაობს, თუმცა უახლოეს მომავალში დასაქმებულთა რიცხვის 45-მდე გაზრდა იგეგმება.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.