ჩემთვის გისოსები მეორეხარისხოვანია მომხდართან დაკავშირებით, აღნიშნული განცხადება ხორავას ქუჩაზე მკვლელობის საქმეზე დანაშაულის შეუტყობინებლობის ბრალდებით დაკავებულმა მირზა სუბელიანმა სასამართლო პროცესზე გააკეთა.
თბილისის საქალაქო სასამართლოს გადაწყვეტილებით, მირზა სუბელიანს აღკვეთის ღონისძიების სახით პატიმრობა შეეფარდა. სასამართლოს გადაწყვეტიელბის შესახებ ცნობილი რამდენიმე წუთის წინ გახდა.
თბილისში, რუსთაველის გამზირზე, პარლამენტის შენობის წინ მიმდინარე აქციაზე ორი პირი დააკავეს. ამის შესახებ განცხადება რამდენიმე წუთის წინ საპატრულო პოლიციის დეპარტამენტის უფროსმა, თეიმურაზ კუპატაძემ გააკეთა.
საქართველოს პროკურატურამ, ხორავას ქუჩაზე მომხდარი მკვლელობის საქმეზე მიმდინარე გამოძიების ფარგლებში დაკავებულ ორ პირს ბრალდება წარუდგინა.
8 ივნისს ყაზბეგის მუნიციპალიტეტის დაბა გუდაურში საქართველოსა და უკრაინის რესპუბლიკის მოქალაქეებს შორის მომხდარ კონფლიქტის ფაქტზე შინაგან საქმეთა სამინისტრომ გამოძიება დაიწყო. უწყების ცნობით, გამოძიება საქართველოს სისხლის სამართლის კოდექსის 126-ე მუხლით დაიწყო, რაც ძალადობას გულისხმობს.
„მირზა სუბელიანის დაკავება ხაზს უსვამს იმ ფაქტს, რომ ხელისუფლება ყველა ნაბიჯს კანონის სრული დაცვით დგამს“, განუცხადა ჟურნალისტებს საპარლამენტო უმრავლესობის წევრმა, გიორგი ხატიძემ.
პარლამენტის იურიდიული კომიტეტის თავჯდომარის მოადგილე დავით მათიკაშვილი მირზა სუბელიანის დაკავების ფაქტს გამოეხმაურა და განაცხადა, რომ „ყველა ბრალდებული, ვისაც კი რამე სახის შემხებლობა გააჩნია ხორავას ქუჩის საქმესთან შესაბამისად დაისჯება“.
შინაგან საქმეთა სამინისტრომ ვაზიანი-გომბორი-თელავის დამაკავშირებელ საავტომობილო გზაზე მომხდარ ავტოსაგზაო შემთხვევაში მონაწილე მიკროავტობუსის მძღოლი დააკავა. მას 6-დან 10 წლამდე თავისუფლების აღკვეთა ემუქრება.
ხორავას ქუჩაზე მომხდარი მკვლელობის გამოძიების ფარგლებში, პროკურატურის ყოფილი მაღალჩინოსნის, მირზა სუბელიანის დაკავებას ეხმაურება „ერთიანი ნაციონალური მოძრაობის“ პოლიტიკური საბჭოს თავმჯდომარე ნიკა მელია, რომელიც აცხადებს, რომ ხელისუფლებამ სუბელიანი „შვებულებაში გაუშვა“.
ხორავას ქუჩაზე მომხდარი მკვლელობის გამოძიების ფარგლებში, პროკურატურის ყოფილი მაღალჩინოსნის, მირზა სუბელიანის დაკავებას ეხმაურება მოკლული დავით სარალიძის მამა ზაზა სარალიძე, რომელიც აცხადებს, რომ მხოლოდ სუბელიანის დაკავება არ არის საკმარისი და ძალიან ბევრი ადამიანი უნდა ყოფილიყო დღემდე დაკავებული.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.