საქართველოს 20 წლამდელ მორაგბეთა ნაკრები სამხრეთ აფრიკის ქალაქ კეიპტაუნში მიმდინარე მსოფლიოს ჩემპიონატზე იტალიის ნაკრებს დაუპირისპირდა და დამაჯერებლად, 30:17 დაამარცხა.

საქართველოს 21 წლამდელ ფეხბურთელთა ნაკრები ევროპის ჩემპიონატის ჯგუფური ეტაპის მესამე მატჩში ნიდერლანდების გუნდს დაუპირისპირდა. „ჯვაროსნებმა" მატჩი ფრედ - 1:1 დაამთავრეს.

პრემიერ-მინისტრმა ირაკლი ღარიბაშვილმა საქართველოს კალათბურთის ეროვნული ფედერაციის პრეზიდენტი ვიქტორ სანიკიძე, საქართველოს კალათბურთის ეროვნული ფედერაციის გენერალური მდივნის მოადგილე ლაშა გამყრელიძე, კალათბურთელთა ეროვნული ნაკრების მწვრთნელი, ასევე ნაკრების წევრები დუდა სანაძე და გიორგი შერმადინი მიიღო, რომლებმაც მთავრობის ადმინისტრაციაში მსოფლიო ჩემპიონატის მთავარი ჯილდო, James Naismith-ის სახელობის თასი მიიტანეს.

პრემიერის თქმით, ზამთრის ოლიმპიური ფესტივალის უზრუნველსაყოფად თბილისსა და ბაკურიანში საერთაშორისო სტანდარტების შესაბამისი ინფრასტრუქტურა მოეწყობა, კერძოდ, - ბიატლონის და თხილამურებით რბოლის მოედანი, ასევე თბილისში აშენდება ყინულის სასახლე და სხვა ინფრასტრუქტურა.

მოგეხსენებათ, ჩვენ ვემზადებით ძალიან მნიშვნელოვანი ღონისძიებისთვის - ეს არის 21 წლამდე ფეხბურთში ევროპის ჩემპიონატისთვის. 21 ივნისს საქართველო-პორტუგალიის თამაში გაიმართება და ჩვენი ქვეყანა არის სრულად მზად, რომ ღირსეულად, უმაღლეს დონეზე ჩავატაროთ ეს ჩემპიონატი. რა თქმა უნდა, ეს ჩვენთვის იყო ძალიან დიდი გამოწვევაც, ამავდროულად არის ძალიან დიდი პატივი, ვუმასპინძლოთ ამ მეტად მნიშვნელოვან ღონისძიებას. ჩვენ სულ რაღაც 1 წელიწადში, უფრო ნაკლებ დროში, ჩავუტარეთ რეაბილიტაცია 10 ობიექტს, - ამის შესახებ საქართველოს პრემიერ-მინისტრმა ირაკლი ღარიბაშვილმა ქუთაისში, რამაზ შენგელიას სახელობის განახლებულ სტადიონზე განაცხადა.

თბილისის მერიის ინფორმაციით, საქართველოს რაგბის კავშირს დიდ დიღომში, გიორგი ბრწყინვალეს N49-ში 19226 კვ. მ მიწის ნაკვეთი გადაეცა.. ნაკვეთის საკუთრებაში გადაცემის ხელშეკრულება დღეს თბილისის საკრებულოში გაფორმდა. ხელშეკრულებას ხელი მოაწერეს დედაქალაქის მერმა კახა კალაძემ და საქართველოს რაგბის კავშირის პრეზიდენტმა იოსებ ტყემალაძემ.

ევროპის 2023 წლის ჩემპიონატის ნახევარფინალურ მატჩში საქართველოს მორაგბეთა ნაკრებმა რუმინეთს უმასპინძლა და 31:7 დაამარცხა.

ქართველი ძიუდოისტი ვარლამ ლიპარტელიანი ტაშკენტის „გრანდ სლემის“ ჩემპიონია. 100 კილოგრამ წონით კატეგორიაში მოასპარეზე სპორტსმენმა, ნაკრების კაპიტანმა,  ფინალურ ორთაბრძოლაში ავსტრიელი აარონ ფარა იპონით დაამარცხა.

შეხვედრაზე ბაკურიანში სნოუბორდის, ფრისკისა და ფრისტაილის მსოფლიო ჩემპიონატის მიმდინარეობის პროცესი განიხილეს. აღინიშნა, რომ ჩემპიონატი მნიშვნელოვანი მოვლენაა საქართველოსთვის და ამ ღონისძიების მასპინძლობის შედეგად მიღებული გამოცდილება მნიშვნელოვანი იქნება 2025 წლის ზამთრის ახალგაზრდულ ოლიმპიურ ფესტივალისათვის, რომელსაც საქართველო უმასპინძლებს. ზამთრის ახალგაზრდული ოლიმპიურ ფესტივალისთვის საქართველოში მთელი მსოფლიოდან 1700-მდე სპორტსმენი, მწვრთნელი, მსაჯი და სამედიცინო პერსონალი მოიყრის თავს.

ვულოცავთ საქართველოს კალათბურთის ეროვნულ ნაკრებს ისტორიულ წარმატებას და პირველად მსოფლიო ჩემპიონატზე გასვლას! - ამის შესახებ ამერიკის შეერთებული შტატების საელჩო საქართველოში „ფეისბუქის“ გვერდზე წერს.

საქართველოს პრემიერ-მინისტრი ირაკლი ღარიბაშვილი საქართველოსა და ისლანდიის საკალათბურთო ნაკრებებს შორის გამართულ მსოფლიო ჩემპიონატის შესარჩევი ეტაპის გადამწყვეტ თამაშს დაესწრო. მატჩი ისლანდიის გამარჯვებით – ანგარიშით 80:77 დასრულდა. აღნიშნული თამაშით საქართველომ ისტორიაში პირველად მსოფლიო ჩემპიონატზე თამაშის უფლება მოიპოვა.

შეხვედრაზე ბაკურიანში, ფრისტაილში, სნოუბორდსა და ფრისკიში 2023 წლის მსოფლიო ჩემპიონატის მიმდინარეობის პროცესი განიხილეს. აღინიშნა, რომ საქართველო ზამთრის სპორტში პირველად მასპინძლობს მსგავს მასშტაბურ სპორტულ შეჯიბრებას, სადაც 42 ქვეყნის 700-მდე სპორტსმენი მონაწილეობს, მსოფლიო ჩემპიონატში ქართველი სპორტსმენების მონაწილეობა კი მათთვის ძალიან კარგი შესაძლებლობაა, მიიღონ კარგი გამოცდილება, რომელსაც მომავალ შეჯიბრებებში გამოიყენებენ.

რაგბის ევროპის ჩემპიონატის 2023 წლის მესამე ტურის მატჩში საქართველოს მორაგბეთა ნაკრები ესპანეთის გუნდს დაუპირისპირდა და დამაჯერებლად, 41:3 დაამარცხა.

რაგბის ევროპის ჩემპიონატის 2023 წლის მეორე მატჩში საქართველოს მორაგბეთა ნაკრები გასვლით შეხვედრაში ნიდერლანდების გუნდს დაუპირისპირდა და დიდი უპირატესობით, ანგარიშით 40:8 დაამარცხა.

საქართველოს პრემიერ-მინისტრმა ირაკლი ღარიბაშვილმა ვიცე-პრემიერთან, ეკონომიკისა და მდგრადი განვითარების მინისტრთან ლევან დავითაშვილთან ერთად მსოფლიო ჩემპიონატის - „ბაკურიანი 2023-ის" ფარგლებში დაბა ბაკურიანში სხვადასხვა ინფრასტრუქტურული პროექტები, მათ შორის ახალი საშეჯიბრო ტრასები დაათვალიერა და ჩემპიონატის მოსამზადებელ სამუშაოებს ადგილზე გაეცნო.

სამი ახალი საბაგირო ავაშენეთ, 6 ახალი ტრასა მოეწყო და 30 კილომეტრის მანძილზე ახალი გათოვლიანების სისტემა. ეს არის ყველაზე თანამედროვე სისტემა, რომელიც დამონტაჟდა ბაკურიანში, - ამის შესახებ საქართველოს პრემიერ-მინისტრმა ირაკლი ღარიბაშვილმა, ბაკურიანში განაცხადა, სადაც ფრისტაილში, სნოუბორდსა და ფრისკიში 2023 წლის მსოფლიო ჩემპიონატის მოსამზადებელი სამუშაოებს და ინფრასტრუქტურულ პროექტებს დაათვალიერებს.

ქართველი ძიუდოისტი ტატო გრიგალაშვილი პარიზის გრანდ სლემის ჩემპიონია. მსოფლიოსა და ევროპის ჩემპიონატის მოქმედმა ტრიუმფატორმა ფინალურ ორთაბრძოლაში გერმანელი ტიმო კაველიუსი იპონით დაამარცხა.

კაცი, რომელიც ჩარლი ჩაპლინთან და მაჰათმა განდისთან ერთად მე-20 საუკუნის ერთ-ერთი უდიდესი პიროვნება იყო და მიუხედავად ამისა, არ დახარბებულა არანაირ ძალაუფლებაზე - მშვიდობიანად წავიდა საუკუნო საუფლოში, - ასე ეხმაურება მწერალი ირაკლი კაკაბაძე ფეხბურთის ბრაზილიელი ლეგენდის, პელეს გარდაცვალებას.

ფეხბურთის ბრაზილიელი ლეგენდა, მსოფლიოს ერთ-ერთ ყველაზე დიდ ფეხბურთელად მიჩნეული პელე, 82 წლის ასაკში გარდაიცვალა. მან მსოფლიო რეკორდი მოხსნა 1281 გოლით 1363 მატჩში თავისი 21 წლის კარიერის განმავლობაში, მათ შორის ბრაზილიისთვის 77 გოლი მოიტანა 92 მატჩში.

საქართველოს პრემიერ-მინისტრი ირაკლი ღარიბაშვილი მსოფლიო ჭადრაკის ლეგენდას, ნონა გაფრინდაშვილს იტალიაში მიმდინარე ვეტერან მოჭადრაკეთა ჩემპიონატზე მსოფლიოს ჩემპიონის ტიტულის მერვედ მოპოვებას ულოცავს.