დარწმუნებული ვარ, უკრაინის გამარჯვება საქართველოსა და მოლდოვის ტერიტორიული მთლიანობის აღდგენას შეუწყობს ხელს, – ამის შესახებ უკრაინის პრეზიდენტმა, ვოლოდიმირ ზელენსკიმ უკრაინულ არხთან ინტერვიუში განაცხადა.

ვლადიმერ პუტინის წინააღმდეგ წარუმატებელი აჯანყების მოთავე ევგენი პრიგოჟინი დასავლეთ რუსეთში, სოფელ კუჟენკინოს სიახლოვეს ავიაკატასტროფის შედეგად, ბორტზე მყოფ დანარჩენ ათ ადამიანთან ერთად დაიღუპა.

GUARDIAN.GE - თეთრმა სახლმა დაადასტურა, რომ უკრაინა რუსული ძალების წინააღმდეგ ამერიკულ კასეტურ ბომბებს იყენებს. ეროვნული უსაფრთხოების სპიკერის, ჯონ კირბის განცხადებით, პირველადი გამოხმაურება მიუთითებს, რომ ისინი „ეფექტურად“ გამოიყენებოდა რუსეთის თავდაცვით პოზიციებსა და ოპერაციებში.

GUARDIAN.GE - ნატოს წევრმა ქვეყნებმა, მას შემდეგ, რაც პრეზიდენტმა ვოლოდიმირ ზელენსკიმ გააკრიტიკა გაწევრიანების „აბსურდული“ გადადება, განაცხადეს, რომ უკრაინას შეუძლია შეუერთდეს სამხედრო ალიანსს „როცა მოკავშირეები შეთანხმდებიან და პირობები დაკმაყოფილებული იქნება“. კომუნიკეში ნატომ თქვა, რომ აღიარებს უფრო სწრაფად მოქმედების აუცილებლობას, მაგრამ ვადების დაკონკრეტებაზე არ იქნება ორიენტირებული.

GUARDIAN.GE - ნატოს გენერალურმა მდივანმა, იენს სტოლტენბერგმა განაცხადა, რომ თურქეთის პრეზიდენტმა რეჯეფ თაიფ ერდოღანმა შვედეთის ჩრდილოატლანტიკურ ალიანსში გაწევრიანებას მხარი დაუჭირა. სტოლტენბერგმა შეთანხმების მიღწევის შესახებ ლიეტუვის დედაქალაქ ვილნიუსში თურქეთისა და შვედეთის ლიდერების მოლაპარაკებების დასრულების შემდეგ ორშაბათს, გვიან გამოაცხადა.

GUARDIAN.GE - კრემლის წარმომადგენლის, დიმიტრი პესკოვის განცხადებით, რუსეთის პრეზიდენტი ვლადიმერ პუტინი აჯანყების მცდელობიდან ხუთ დღეში კრემლში „ვაგნერის“ ხელმძღვანელებს შეხვდა.

GUARDIAN.GE - უკრაინის შინაგან საქმეთა მინისტრის, იჰორ კლიმენკოს განცხადებით, რუსული რაკეტის დასავლეთ უკრაინის ქალაქ ლვოვში საცხოვრებელ კორპუსზე დარტყმის შედეგადა სულ მცირე ოთხი ადამიანი დაიღუპა, 32 კი დაშავდა. კლიმენკომ Telegram-ზე დაწერა, რომ საცხოვრებელ კორპუსში მყოფი მინიმუმ შვიდი ადამიანი გადაარჩინეს და დასძინა, რომ არსებობს შიში, რომ შესაძლოა მეტი ადამიანი იყოს ნანგრევების ქვეშ.

GUARDIAN.GE - საფრანგეთში სამდღიანი არეულობების შემდეგ, პრეზიდენტმა ემანუელ მაკრონმა განაცხადა, რომ ქვეყნის ქუჩებში უფრო მეტი მეტი პოლიცია იქნება განალგებული. მან დაჟნებით მოუწოდა მშობლებს მოარიდონ თავიანთი შვილები საზოგადოებრივი თავშეყრის ისეთ ადგილებს, სადაც არეულობა სუფევს.

GUARDIAN.GE - მესამე ღამეა, რაც საფრანგეთში პროტესტანტებსა და პოლიციას შორის შეტაკებები გრძელდება. პარიზში პოლიციის დიდი რაოდენობით განლაგების მიუხედავად, დემონსტრანტებმა მაღაზიები დაარბიეს, ავტომანქანები კი ცეცხლის ალში გახვიეს. პარიზში პროტესტანტები ღამის განმავლობაში აალებული ნივთიერებებით ესხმოდნენ თავს პოლიციის განყოფილებებს. საფრანგეთში არეულობების ჩასაცხრობად 40 000 პოლიციელია ქუჩებში განლაგებული. საფრანგეთის შინაგან საქმეთა მინისტრის, ჟერალდ დერმანინის განცხადებით, 667 ადამიანია დაკავებული.

GUARDIAN.GE - საფრანგეთში პოლიციელის მიერ 17 წლის ბიჭის მოკვლას მასობრივი საპროტესტო გამოსვლები და არეულობები მოჰყვა. პარიზში პროტესტანტები ღამის განმავლობაში აალებული ნივთიერებებით ესხმოდნენ თავს პოლიციის განყოფილებებს. ქვეყნის ჩრდილოეთ ნაწილში მდებარე ქალაქ ლილეში დემონსტრანტებსა და პოლიციას შორის შეტაკებები მოხდა. დაკავებულია სულ მცირე 77 ადამიანი.

GUARDIAN.GE - რუსეთის პრეზიდენტმა ვლადიმერ პუტინმა კრემლის კათედრალურ მოედანზე თავდაცვის სამინისტროს ქვედანაყოფების, როსგვარდიის, შინაგან საქმეთა სამინისტროსა და სპეცსამსახურების წარმომადგენლებს მიმართა, რომლებმაც, მისი თქმით, „სამოქალაქო ომი შეაჩერეს“. „თქვენ დაიცავით კონსტიტუციური წესრიგი, სიცოცხლე, უსაფრთხოება და ჩვენი მოქალაქეების თავისუფლება. გადაარჩინეთ ჩვენი სამშობლო შოკისგან, ფაქტობრივად, შეაჩერეთ სამოქალაქო ომი. რთულ მდგომარეობაში თქვენ მოქმედებდით მკაფიოდ, ჰარმონიულად, საქმით დაამტკიცეთ თქვენი ერთგულება რუსი ხალხისა და სამხედრო ფიცისადმი, აჩვენეთ პასუხისმგებლობა სამშობლოს ბედისა და მისი მომავლისადმი“, - თქვა პუტინმა.

GUARDIAN.GE - რუსეთის პრეზიდენტმა ვლადიმერ პუტინმა მოქალაქეებისადმი კიდევ ერთი მიმართვა გაავრცელა. წინასწარ ჩაწერილ ვიდეოში, პუტინი ამბობს, რომ მოვლენების დასაწყისიდანვე დაუყოვნებლივ იქნა მიღებული ყველა საჭირო გადაწყვეტილება წარმოშობილი საფრთხის ნეიტრალიზებისათვის, კონსტიტუციური წესრიგის, მოქალაქეების სიცოცხლის და უსაფრთხოების დასაცავად.

GUARDIAN.GE - 24 ივნისს „ვაგნერის“ მეთაურის, სერგეი პრიგოჟინის და მის დაქირავებული მებრძოლების მიერ მოწყობილი ამბოხი „რუსეთის სტაბილურობისთვის გამოწვევა“ იყო, - განაცხადა რუსეთის პრემიერ-მინისტრმა, მიხეილ მიშუსტინმა. მისი შეფასებით, ქვეყანა პრეზიდენტ ვლადიმერ პუტინის გარშემო უნდა დარჩეს გაერთიანებული.

GUARDIAN.GE -  „ვაგნერის“ მეთაურის, ევგენი პრიგოჟინის მიმართ აღძრული სისხლის სამართლის საქმე შეჩერდება, - ამის შესახებ რუსეთის პრეზიდენტის, ვლადიმერ პუტინის პრესმდივანმა, დიმიტრი პესკოვმა განაცხადა.

GUARDIAN.GE - ბელარუსის პრეზიდენტმა ალექსანდერ ლუკაშენკომ მოლაპარაკებები გამართა „ვაგნერის“ დაქირავებული სამხედრო დაჯგუფების ხელმძღვანელთან, ევგენი პრიგოჟინთან, რომლის დროსაც პრიგოჟინი შეთანხმდა თავისი ჯარების შეჩერებაზე და „სიტუაციის დეესკალაციაზე“, განაცხადა საინფორმაციო არხმა - „Rossiya 24“.

GUARDIAN.GE -  მოსკოვის მერმა სერგეი სობიანინმა ცოტა ხნის წინ გამოაქვეყნა განცხადება Telegram-ზე, სადაც ამბობს, რომ „მდგომარეობა რთულია“ და „მოსკოვში გამოცხადდა კონტრტერორისტული ოპერაციის რეჟიმი“, ორშაბათი კი იქნება „არასამუშაო დღე“ „რისკების შესამცირებლად“. მან მოსკოველებს სთხოვა „რამდენადაც კი ეს შესაძლებელია თავი შეიკავონ ქალაქში მოგზაურობისაგან“.

GUARDIAN.GE - ლიპეცკის ოლქის გუბერნატორმა იგორ არტამონოვმა დაადასტურა, რომ „ვაგნერი“ რეგიონში „ტექნიკის“ გადაადგილებას ახორციელებს. არტამონოვმა სოციალურ ქსელში დაწერა: „სამართალდამცავი ორგანოები და ხელისუფლება... იღებენ ყველა საჭირო ზომას მოსახლეობის უსაფრთხოების უზრუნველსაყოფად. სიტუაცია კონტროლს ექვემდებარება".

უზარმაზარი ხანძარია ნავთობის საცავში, რუსეთის ქალაქ ვორონეჟში, სადაც BBC-ის ცნობით, „ვაგნერის“ მებრძოლებმა მთავარი სამხედრო ობიექტები დაიკავეს. რეგიონის გუბერნატორმა ალექსანდრე გუსევმა განაცხადა, რომ ცეცხლის ჩაქრობას 100 მეხანძრე ცდილობს. სოციალურ ქსელში გავრცელებულ ვიდეოებში ჩანს, რომ ხანძრის ადგილიდან უზარმაზარი შავი კვამლი ამოდის.

GUARDIAN.GE - „ვაგნერის“ „ტელეგრამის არხზე“ აუდიო შეტყობინება გამოქვეყნდა. როგორც ჩანს, ეს არის „ვაგნერის“ დაჯგუფების ხელმძღვანელის, ევგენი პრიგოჟინის პირდაპირი, გამომწვევი პასუხი პრეზიდენტ ვლადიმერ პუტინის მოქალაქეებისადმი სატელევიზიო მიმართვაზე.

GUARDIAN.GE - რუსეთის შეიარაღებულმა ძალებმა ბრძანება მიიღეს მოახდინონ მათი ნეიტრალიზება, რომელთაც შეირაღებული ამბოხის ორგანიზება მოაწყვეს, - განაცხადა რუსეთის პრეზიდენტმა ვლადიმერ პუტინმა მოქალაქეებისადმი სატელევიზიო მიმართვისას. მისი თქმით, „გარდაუვალი სასჯელი“ დაეკისრება მათ, ვინც რუსეთის საზოგადოებას ყოფს. მან ხაზი გაუსვა, რომ ყველა „საჭირო ბრძანება გაცემულია“ კრიზისის გასამკლავებლად. მან აჯანყებულების ქმედებას „ზურგში დანის ჩაცემა“ უწოდა. „ვაგნერის“ დაჯგუფების მეთაურის, პრიგოჟინის ხსენების გარეშე, პუტინმა თქვა, რომ ზოგიერთს დიდმა „ამბიციამ“, „დიდი ღალატი“ ჩაადენინა.