GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.

დარწმუნებული ვარ, უკრაინის გამარჯვება საქართველოსა და მოლდოვის ტერიტორიული მთლიანობის აღდგენას შეუწყობს ხელს, – ამის შესახებ უკრაინის პრეზიდენტმა, ვოლოდიმირ ზელენსკიმ უკრაინულ არხთან ინტერვიუში განაცხადა.

ვლადიმერ პუტინის წინააღმდეგ წარუმატებელი აჯანყების მოთავე ევგენი პრიგოჟინი დასავლეთ რუსეთში, სოფელ კუჟენკინოს სიახლოვეს ავიაკატასტროფის შედეგად, ბორტზე მყოფ დანარჩენ ათ ადამიანთან ერთად დაიღუპა.

GUARDIAN.GE - ჯორჯიის შტატის ნაფიც მსაჯულთა დიდმა კოლეგიამ აშშ-ის ყოფილ პრეზიდენტს, დონალდ ტრამპს და კიდევ 18 პირს 2020 წლის არჩევნების შედეგების შეცვლის მცდელობაზე ბრალი წარუდგინეს. მისთვის ეს უკვე მეოთხე საბრალდებო აქტია.

GUARDIAN.GE - ჩინეთის საგარეო საქმეთა მინისტრი ცინ განი პოსტზე 7 თვეზე ნაკლები პერიოდით მუშაობის შემდეგ, პრეზიდენტის ბრძანებით თანამდებობიდან გაათავისუფლეს, მიზეზი კი არ დასახელებულა. იგი ქვეყნის პრეზიდენტის, სი ძინპინის ახლო მეგობარი იყო და საგარეო საქმეთა მინისტრად გასული წლის დეკემბერში დაინიშნა. 57 წლის განი საჯაროდ 25 ივნისის შემდეგ არ გამოჩენილა, რამაც საზოგადოებაში არაერთი ვარაუდის გავრცელებას შეუწყო ხელი.

GUARDIAN.GE - თეთრმა სახლმა დაადასტურა, რომ უკრაინა რუსული ძალების წინააღმდეგ ამერიკულ კასეტურ ბომბებს იყენებს. ეროვნული უსაფრთხოების სპიკერის, ჯონ კირბის განცხადებით, პირველადი გამოხმაურება მიუთითებს, რომ ისინი „ეფექტურად“ გამოიყენებოდა რუსეთის თავდაცვით პოზიციებსა და ოპერაციებში.

GUARDIAN.GE - ნატოს წევრმა ქვეყნებმა, მას შემდეგ, რაც პრეზიდენტმა ვოლოდიმირ ზელენსკიმ გააკრიტიკა გაწევრიანების „აბსურდული“ გადადება, განაცხადეს, რომ უკრაინას შეუძლია შეუერთდეს სამხედრო ალიანსს „როცა მოკავშირეები შეთანხმდებიან და პირობები დაკმაყოფილებული იქნება“. კომუნიკეში ნატომ თქვა, რომ აღიარებს უფრო სწრაფად მოქმედების აუცილებლობას, მაგრამ ვადების დაკონკრეტებაზე არ იქნება ორიენტირებული.

GUARDIAN.GE - ნატოს გენერალურმა მდივანმა, იენს სტოლტენბერგმა განაცხადა, რომ თურქეთის პრეზიდენტმა რეჯეფ თაიფ ერდოღანმა შვედეთის ჩრდილოატლანტიკურ ალიანსში გაწევრიანებას მხარი დაუჭირა. სტოლტენბერგმა შეთანხმების მიღწევის შესახებ ლიეტუვის დედაქალაქ ვილნიუსში თურქეთისა და შვედეთის ლიდერების მოლაპარაკებების დასრულების შემდეგ ორშაბათს, გვიან გამოაცხადა.

GUARDIAN.GE - კრემლის წარმომადგენლის, დიმიტრი პესკოვის განცხადებით, რუსეთის პრეზიდენტი ვლადიმერ პუტინი აჯანყების მცდელობიდან ხუთ დღეში კრემლში „ვაგნერის“ ხელმძღვანელებს შეხვდა.

GUARDIAN.GE - უკრაინის შინაგან საქმეთა მინისტრის, იჰორ კლიმენკოს განცხადებით, რუსული რაკეტის დასავლეთ უკრაინის ქალაქ ლვოვში საცხოვრებელ კორპუსზე დარტყმის შედეგადა სულ მცირე ოთხი ადამიანი დაიღუპა, 32 კი დაშავდა. კლიმენკომ Telegram-ზე დაწერა, რომ საცხოვრებელ კორპუსში მყოფი მინიმუმ შვიდი ადამიანი გადაარჩინეს და დასძინა, რომ არსებობს შიში, რომ შესაძლოა მეტი ადამიანი იყოს ნანგრევების ქვეშ.

GUARDIAN.GE - ისრაელის შეიარაღებულმა ძალებმა ოკუპირებულ დასავლეთ სანაპიროზე მდებარე ჯენინის ლტოლვილთა ბანაკიდან სამხედროების გაყვანა დაიწყეს, იტყობინება თავდაცვის წყარო. ამით სრულდება მასშტაბური ორდღიანი ოპერაცია, რომლის დროსაც დაიღუპა 12 პალესტინელი და ერთი ისრაელელი ჯარისკაცი. ისრაელის სამხედროებმა მოგვიანებით განაცხადეს, რომ ღაზას სექტორში, პალესტინელი მებრძოლების მიერ სამხრეთ ისრაელის მიმართულებით გასროლილი ხუთი რაკეტა ჩამოაგდეს.

GUARDIAN.GE - ოკუპირებულ დასავლეთ სანაპიროზე, ქალაქ ჯენინის ლტოლვილთა ბანაკში, ისრაელის ძალებსა და შეიარაღებულ პალესტინელ მებრძოლებს შორის ინტენსიური სროლები მთელი დღე-ღამის განმავლობაში მიმდინარეობდა. ისრაელის სამხედროებმა ამ ტერიტორიაზე ბოლო წლების განმავლობაში ერთ-ერთი ყველაზე მასშტაბური ოპერაცია, მათ შორის დრონებით თავდასხმები წამოიწყეს. ჯანდაცვის ოფიციალური პირების განცხადებით, დაიღუპა ცხრა და დაშავდა 100 პალესტინელი.

GUARDIAN.GE - ისრაელის არმიამ დასავლეთ სანაპიროს ჩრდილოეთ ნაწილში, ჯენინის ბანაკზე მასშტაბური სამხედრო ოპერაცია დაიწყო. BBC -ის ცნობით, ბანაკზე მრავალი საჰაერო დარტყმა განხორციელდა. სოციალურ ქსელებში გავრცელებულ ვიდეოებში ჩანს, რომ საცხოვრებელი კორპუსიდან კვამლი ამოდის.

GUARDIAN.GE - საფრანგეთში სამდღიანი არეულობების შემდეგ, პრეზიდენტმა ემანუელ მაკრონმა განაცხადა, რომ ქვეყნის ქუჩებში უფრო მეტი მეტი პოლიცია იქნება განალგებული. მან დაჟნებით მოუწოდა მშობლებს მოარიდონ თავიანთი შვილები საზოგადოებრივი თავშეყრის ისეთ ადგილებს, სადაც არეულობა სუფევს.

GUARDIAN.GE - მესამე ღამეა, რაც საფრანგეთში პროტესტანტებსა და პოლიციას შორის შეტაკებები გრძელდება. პარიზში პოლიციის დიდი რაოდენობით განლაგების მიუხედავად, დემონსტრანტებმა მაღაზიები დაარბიეს, ავტომანქანები კი ცეცხლის ალში გახვიეს. პარიზში პროტესტანტები ღამის განმავლობაში აალებული ნივთიერებებით ესხმოდნენ თავს პოლიციის განყოფილებებს. საფრანგეთში არეულობების ჩასაცხრობად 40 000 პოლიციელია ქუჩებში განლაგებული. საფრანგეთის შინაგან საქმეთა მინისტრის, ჟერალდ დერმანინის განცხადებით, 667 ადამიანია დაკავებული.

GUARDIAN.GE - საფრანგეთში პოლიციელის მიერ 17 წლის ბიჭის მოკვლას მასობრივი საპროტესტო გამოსვლები და არეულობები მოჰყვა. პარიზში პროტესტანტები ღამის განმავლობაში აალებული ნივთიერებებით ესხმოდნენ თავს პოლიციის განყოფილებებს. ქვეყნის ჩრდილოეთ ნაწილში მდებარე ქალაქ ლილეში დემონსტრანტებსა და პოლიციას შორის შეტაკებები მოხდა. დაკავებულია სულ მცირე 77 ადამიანი.

GUARDIAN.GE - რუსეთის პრეზიდენტმა ვლადიმერ პუტინმა კრემლის კათედრალურ მოედანზე თავდაცვის სამინისტროს ქვედანაყოფების, როსგვარდიის, შინაგან საქმეთა სამინისტროსა და სპეცსამსახურების წარმომადგენლებს მიმართა, რომლებმაც, მისი თქმით, „სამოქალაქო ომი შეაჩერეს“. „თქვენ დაიცავით კონსტიტუციური წესრიგი, სიცოცხლე, უსაფრთხოება და ჩვენი მოქალაქეების თავისუფლება. გადაარჩინეთ ჩვენი სამშობლო შოკისგან, ფაქტობრივად, შეაჩერეთ სამოქალაქო ომი. რთულ მდგომარეობაში თქვენ მოქმედებდით მკაფიოდ, ჰარმონიულად, საქმით დაამტკიცეთ თქვენი ერთგულება რუსი ხალხისა და სამხედრო ფიცისადმი, აჩვენეთ პასუხისმგებლობა სამშობლოს ბედისა და მისი მომავლისადმი“, - თქვა პუტინმა.

GUARDIAN.GE - რუსეთის პრეზიდენტმა ვლადიმერ პუტინმა მოქალაქეებისადმი კიდევ ერთი მიმართვა გაავრცელა. წინასწარ ჩაწერილ ვიდეოში, პუტინი ამბობს, რომ მოვლენების დასაწყისიდანვე დაუყოვნებლივ იქნა მიღებული ყველა საჭირო გადაწყვეტილება წარმოშობილი საფრთხის ნეიტრალიზებისათვის, კონსტიტუციური წესრიგის, მოქალაქეების სიცოცხლის და უსაფრთხოების დასაცავად.

GUARDIAN.GE - 24 ივნისს „ვაგნერის“ მეთაურის, სერგეი პრიგოჟინის და მის დაქირავებული მებრძოლების მიერ მოწყობილი ამბოხი „რუსეთის სტაბილურობისთვის გამოწვევა“ იყო, - განაცხადა რუსეთის პრემიერ-მინისტრმა, მიხეილ მიშუსტინმა. მისი შეფასებით, ქვეყანა პრეზიდენტ ვლადიმერ პუტინის გარშემო უნდა დარჩეს გაერთიანებული.

GUARDIAN.GE -  „ვაგნერის“ მეთაურის, ევგენი პრიგოჟინის მიმართ აღძრული სისხლის სამართლის საქმე შეჩერდება, - ამის შესახებ რუსეთის პრეზიდენტის, ვლადიმერ პუტინის პრესმდივანმა, დიმიტრი პესკოვმა განაცხადა.