ჩინეთის ფარგლებს გარეთ კორონავირუსის ინფექციამ 87 000-ს გადააჭარბა, ჩინეთში კი შემთხვევების რაოდენობა 80 860-ზე შეჩერდა. მაშინ როცა შეერთებული შტატები და ევროპის უდიდესი ნაწილი კორონავირუსის აფეთქებას ებრძვის, ჩინეთმა ორშაბათს გამოაცხადა, რომ მხოლოდ 6 ახალი ინფიცირებაა გამოვლენილი და ექვსივე იმპორტირებული შემთხვევაა.
კორონავირუსის მასობრვი გავრცელების საფრთხის ფონზე, ისევე როგორც სხვა ქვეყნები, ამერიკის შეერთებული შტატებიც ახალი გამოწვევების წინაშე აღმოჩნდა. ამერიკელებმა ახალ რეალობაში გაიღვიძეს - სკოლები, რესტორნები, ბარები, თეატრები და სხვა საზოგადოებრივი სივრცეები დაკეტილია, ხოლო გაღებული სუპერმარკეტების თაროები პროდუქტებისაგან თითქმის დაცარიელებულია, ბიზნესის არაერთმა სექტორმა დროებით შეაჩერა მუშაობა, რითაც მილიონობით სამუშაო ადგილის დაკარგვის საფრთხე დადგა.
ჩინეთმა ორშაბათს გამოაცხადა, რომ კორონავირუსის მხოლოდ 6 ახალი ინფიცირებაა გამოვლენილი და ექვსივე იმპორტირებული შემთხვევაა. სახელმწიფო მედიის ცნობით, 4 ინფიცირებული პირი ქვეყანაში ესპანეთიდან, 2 კი დიდი ბრიტანეთიდან შევიდა.
„ქვეყნები თავის თავში იკეტებიან ისე, როგორც არასდროს... მე მგონი, ეს უფრო დიდი გამოწვევაა ევროკავშირის იდეისთვის, ვიდრე თუნდაც ბრექსიტი... კორონავირუსი გახდა ნაციონალიზმის გაძლიერების მძლავრი ფაქტორი“, ასე აფასებს „ფეისბუქზე“ პროფესორი გია ნოდია ახალი კორონავირუსის აფეთქების გამო ევროკავშირის ქვეყნებში მიმდინარე პროცესებს.
„რა კორონა და რის ვირუსი? არ მინდა შეგაშინოთ ისედაც მუდმივ სტრესში მყოფი საქართველოს მოსახლეობა, მაგრამ საქმე გაცილებით მძიმედაა... ჯერ კიდევ 1993 წლიდან ქართველი ონკოლოგები აფრთხილებდნენ საზოგადოებას დამდეგი საფრთხის შესახებ და იუწყებოდნენ, რომ იმპორტირებული ფქვილით დამზადებული პური, გამოიწვევდა სიმსივნურ დაავადებებს. სწორად მიხვდით - ბურჯანაძის ფქვილზეა საუბარი, რომლის რეინკარნირებასაც ცდილობს ყოფილი რეჟიმი“, წერს სოციალურ ქსელში პარტია „ლიბერალ-დემოკრატების“ თავმჯდომარე მუხრან ბურჭულაძე.
იტალიის და ესპანეთის შემდეგ, ახალი კორონავირუსით ინფიცირებულთა მკვეთრი ზრდა გამოვლინდა საფრანგეთში. ჯანდაცვის მინისტრმა ოლივერ ვერანმა „France 2“-ს უთხრა, რომ ქვეყნის მასშტაბით დაახლოებით 5 400 შემთხვევაა დადასტურებული, მათგან თითქმის 1 000-ზე მეტი მხოლოდ შაბათს.
ერაყის ხელისუფლებამ ქვეყნის დედაქალაქ ბაღდადში, კორონავირუსის გავრცელების გასაკონტროლებლად კომენდანტის საათი დააწესა.
ამერიკის შეერთებული შტატების ჩიკაგოს საერთაშორისო აეროპორტში უქმეებზე სრული ქაოსი იყო შექმნილი. ათასობით ადამიანი საათების განმავლობაში იდგა გადაჭედილ რიგებში, ვიდრე საბაჟო-გამშვებ პუნქტებზე შემოწმებას გაივლიდა.
იტალიამ კორონავირუსით დაღუპულთა ახალი მონაცემები გამოაქვეყნა. ბოლო 24 საათის განმავლობაში იქ 368 ადამიანია გარდაცვლილი, მათგან ლომბარდიის რეგიონში 252, საერთო ჯამში კი ახალ კორონავირუსს იტალიაში უკვე 1 800-ზე მეტი ადამიანის სიცოცხლე ემსხვერპლა.
ესპანეთში კორონავირუსით ინფიცირებულთა 2 000 ახალი შემთხვევა დადასტურდა, 100-ზე მეტი კი გარდაიცვალა ბოლო 24 საათში. 1800-ს გადააჭარბა დაღუპულთა რაიდენობამ იტალიაში, დიდ ბრიტანეთში კი, ახალი კორონავირუსით დაღუპულთა რაოდენობა შაბათის შემდეგ 14-ით გაიზარდა და 35 შეადგინა. კვირას, ადგილობრივი დროით დილის 9 საათის მონაცემებით, ბრიტანეთში კოვიდ-19-ით ინფიცირებულთა რიცხვმა 1 372 შეადგინა და შაბათ დილის იმავე პერიოდის მონაცემებთან შედარებით 232-ით არის გაზრდილი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.