საქართველოს თავდაცვის მინისტრი მიცვალებულთა მოხსენიების დღეს მუხათგვერდის ძმათა სასაფლაოზე იმყოფებოდა. ჯუანშერ ბურჭულაძემ 2008 წლის აგვისტოს ომში დაღუპული გმირების ხსოვნას პატივი მიაგო და გმირების ოჯახის წევრებს გაესაუბრა. მინისტრმა მათ აღდგომის ბრწყინვალე დღესასწაული მიულოცა და მხარდაჭერა კიდევ ერთხელ აღუთქვა.
საქართველოს თავდაცვის სამინისტროსა და საქართველოს საზოგადოებრივ საქმეთა ინსტიტუტს (GIPA) შორის ურთიერთთანამშრომლობის მემორანდუმი გაფორმდა. დოკუმენტს ხელი თავდაცვის მინისტრის მოადგილემ, გრიგოლ გიორგაძემ და GIPA-ს რექტორმა, მარინე იოსელიანმა მოაწერეს. თანამშრომლობის მემორანდუმი მიზნად ისახავს ერთობლივი საგანმანათლებლო პროგრამების დაგეგმვას, რომელიც სამინისტროს თანამშრომლებისა და სტუდენტების პროფესიული უნარ-ჩვევების განვითარებას ხელს შეუწყობს.
თავდაცვის მინისტრმა ჯუანშერ ბურჭულაძემ ტელეკომპანია „იმედის“ საინფორმაციო გადაცემაში იმ ახალგაზრდულ და საზოგადოებრივ ორგანიზაციებთან თავდაცვის უწყების აქტიურ თანამშრომლობაზე ისაუბრა, რომლებიც სამხედრო საქმიანობით არიან დაინტერესებულნი. „ჩვენ მათ მაქსიმალურად ვეხმარებით ლოჯისტიკური შესაძლებლობებით, ფინანსურად და დიდ ყურადღებას ვაქცევთ მათ მომავალს, თუ როგორ შეიძლება გამოიყენოს სახელმწიფომ მათი რესურსი ჩვენი სახელმწიფოს კეთილდღეობისთვის, - განაცხადა ჯუანშერ ბურჭულაძემ.
თავდაცვის მინისტრმა ჯუანშერ ბურჭულაძემ იმედის საინფორმაციო გადაცემაში „ქრონიკა“ თავდაცვის სამინისტროს დაჭრილ-დაშავებული სამხედრო მოსამსახურეების გუნდს ჰააგაში მიმდინარე „ძლიერთა თამაშებში“ წარმატებით ასპარეზობა მიულოცა და გუნდის მიღწევებზე ისაუბრა: „წელს ჩვენ მივაღწიეთ ძალიან დიდ შედეგს, უკვე ავიღეთ 6 მედალი - 2 ოქრო, 2 ვერცხლი და 2 ბრინჯაო. ჩვენი მოცულობის ქვეყნისთვის ეს არის ძალიან დიდი წარმატება“.
პრემიერ-მინისტრის ინიციატივით საქართველოში მასშტაბური ინფრასტრუქტურული პროექტების ფარგლებში თავდაცვის სამინისტრო რამდენიმე ახალ პროექტზე მუშაობს. მასშტაბურ პროექტებს შორის აღსანიშნავია სპეციალური ოპერაციების ძალების ახალი თანამედროვე ბაზის მშენებლობა მუხროვანში და კადეტთა სამხედრო ლიცეუმი აღმოსავლეთ საქართველოში. თავდაცვის ძალებში დაგეგმილი ინფრასტრუქტურული პროექტების შესახებ საქართველოს თავდაცვის მინისტრმა ტელეკომპანია „იმედის“ პირდაპირ ეთერში ისაუბრა. „ეს იქნება აღმშენებლობა არა მხოლოდ თავდაცვის სფეროში, არამედ სხვადასხვა სფეროში.
„ტელეკომპანია „იმედის“ საინფორმაციო გადაცემა „ქრონიკისთვის“ მიცემულ ინტერვიუში საქართველოს თავდაცვის მინისტრმა უკრაინაში რუსეთის მიერ განხორციელებული აგრესიის ფონზე, რეგიონსა და საქართველოში არსებულ საფრთხეებსა და გამოწვევებზე ისაუბრა. ჯუანშერ ბურჭულაძის განცხადებით, რუსეთ-უკრაინის ომმა საფრთხეების ინტენსივობა გაზარდა და რეგიონში უსაფრთხოების გარემოს პრობლემები უფრო აქტუალური გახადა.
საქართველოს თავდაცვის მინისტრმა შვეიცარიის საგანგებო და სრულუფლებიან ელჩთან გაცნობითი ხასიათის შეხვედრა გამართა. ჯუანშერ ბურჭულაძემ ჰეიდი გრაუს ელჩად დანიშვნა მიულოცა, წარმატებები უსურვა და შვეიცარიის კონფედერაციის მხრიდან საქართველოს მიმართ გამოხატული პოლიტიკური და პრაქტიკული მხარდაჭერისთვის მადლობა გადაუხადა.
საქართველოს თავდაცვის სამინისტროს სსიპ კიბერუსაფრთხოების ბიუროს წარმომადგენლები ნატოს კოოპერაციული კიბერთავდაცვის ცენტრის CCDCOE-ს მიერ ორგანიზებულ კიბერწვრთნა „Locked Shields 2022“ იღებენ მონაწილეობას. „Locked Shields“ ყოველწლიური, რეალურ დროში ჩატარებული ინფორმაციული და საკომუნიკაციო სისტემების უსაფრთხოების უზრუნველყოფის სწავლებაა, რომელიც CCDCOE-ს ორგანიზებით ტარდება. სწავლება მიზნად ისახავს მონაწილე გუნდების კიბერთავდაცვითი შესაძლებლობების განვითარებას.
საქართველოში აკრედიტებული უცხო ქვეყნების სამხედრო ატაშეები საქართველოს თავდაცვის სამინისტროს კიბერუსაფრთხოების ბიუროს ესტუმრნენ. ვიზიტი ყოველწლიური გეგმის ფარგლებში განხორციელდა, რომელიც თავდაცვის უწყების ნატოს სტანდარტებით ტრანსფორმაციის პროცესისა და სამომავლო გეგმების გაცნობას ისახავს მიზნად.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIANGE.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
GUARDIAN.GE - ჩრდილოეთ კორეის ლიდერი კიმ ჩენ ინი სექტემბერში რუსეთში პრეზიდენტ ვლადიმერ პუტინთან შესახვედრად გამგზავრებას აპირებს, იტყობინება BBC-ის პარტნიორი CBS-ი ამერიკელ ოფიციალურ პირზე დაყრდნობით. ორი ლიდერი განიხილავს შესაძლებლობას, რომ ჩრდილოეთ კორეამ მოსკოვს იარაღი მიაწოდოს უკრაინაში ომის მხარდასაჭერად, განაცხადა ოფიციალურმა წარმომადგენელმა. დაგეგმილი შეხვედრის ზუსტი ადგილი უცნობია. წყაროებმა „The New York Times“-ს განუცხადეს, რომ კიმი, სავარაუდოდ, ბრონირებული მატარებლით გაემგზავრება.