უმრავლესობის დეპუტატი ზაქარია ქუცნაშვილი ინტერნეტში პირადი ცხოვრების ამსახველი ფარული ვიუდეო ჩანაწერის გამოქვეყნების მორიგ ფაქტს ეხმაურება და ამბობს, რომ საქართველოს ხელისუფლებას არ ძალუძს აბსოლუტურად დაგვაზღვიოს ინფორმაციის გავრცელებისგან და ერთადერთი, რაც ხელისუფლებას  შეუძლია, ეს არის კანონის დარღვევაზე ეფექტური რეაგირება და ისიც იმ შემთხვევაში, თუკი ვიდეოს ატვირთვა საქართველოში მოხდა.


"თანამედროვე ციფრულ სამყაროში საინფორმაციო არხების კონტროლი საკმაოდ რთულია. სადამ ჰუსეინი რომ სადამ ჰუსეინია, მან ვერ შეძლო ერაყის საინფორმაციო სივრცე თავიდან ბოლომდე ჩაეკეტა არასასურველი ინფორმაციისაგან. თქვენ წარმოიდგინეთ, რა ცენზურითა და ინსტრუმენტებით იყო შეიარაღებული ეს დიქტატორი თავის ქვეყანაში. პუტინი რომ პუტინია, მას უჭირს რუსეთში საინფორმაციო სივრცის ჩაკეტვა. სოციალური ქსელები და ინტერნეტი ამის ძალიან კარგი საშუალებაა. შეგახსენებთ ცნობილ კამპანიას, რაც "ვიკილიქსმა" აწარმოა – ამერიკისა და დიდი ბრიტანეთის მთავრობებმაც კი ვერ შესძლო აღეკვეთა ის, რასაც "ვიკილიქსი" აკეთებდა, როცა სახელმწიფო საიდუმლო ინფორმაცია სამზეოზე გამოჰქონდა," აცხადებს ქუცნაშვილი.


მისი  თქმით, გამოსავალი მხოლოდ ამტვირთველების მხილებასა და დასჯადშია, რაც ბევრად ადვილია, თუ ატვირთვა საქართველოში მოხდა და ბევრად რთულია – თუკი ჩანაწერები უცხოეთიდან ვრცელდება.


ქუცნაშვილი ეჭვობს, რომ აღნიშნული ჩანაწერები სავარაუდოდ, "ქართული ოცნების" ხელისუფლებაში მოსვლამდეა გადაღებული.