სახელმწიფო პროგრამის, „აწარმოე საქართველოში“ ფარგლებში, მიკრო და მცირე მეწარმეობის ხელშეწყობის მიზნით ხობის მუნიციპალიტეტის გამგეობის სააქტო დარბაზში ხობის მუნიციპალიტეტში მცხოვრებ მეწარმეებთან შეხვედრა გაიმართა.
ხობის მუნიციპალიტეტის გამგებელმა გოჩა ქაჯაიამ შეხვედრაში მონაწილე მეწარმეებს სახელმწიფო პროგრამით დაინტერესებისთვის მადლობა გადაუხადა და აღნიშნა, რომ სახელმწიფო პროგრამამ ადგილობრივ ბიზნეს წრეებში დიდი ინტერესი გამოიწვია.
როგორც guardian.ge -ს ხობის მუნიციპალიტეტის გამგეობიდან აცნობეს, გოჩა ქაჯაიამ პროგრამის ძირითად კომპონენტებსა და იმ პირობებზე ისაუბრა, რომლის მიხედვითაც საქართველოს მთავრობა ხელს შეუწყობს ახალი საწარმოების შექმნას, ადგილობრივი წარმოების განვითარებას და ადგილობრივი მოსახლეობის დასაქმებას.
შეხვედრას, რომელიც ხობის მუნიციპალიტეტის გამგეობისა და საქართველოს სოფლის მეურნეობის სამინისტროს ხობის საინფორმაციო-საკონსულტაციო სამსახურის ორგანიზებით გაიმართა, სამეგრელო ზემო-სვანეთში შპს “ჯი-ემ-სი-ჯის“ წარმომადგენელი თათია ბჟალავა უძღვებოდა.
პროგრამა მოიცავს სამ კომპონენტს: საკონსულტაციო მომსახურებას, ფინანსებზე და ინფრასტრუქტურაზე (უძრავი ქონება) ხელმისაწვდომობას.
სახელმწიფო პროგრამის „აწარმოე საქართველოში“ მიზანია მეწარმეობის განვითარება, მეწარმე-სუბიექტების მხარდაჭერა, ახალი საწარმოების შექმნის ხელშეწყობა და კერძო სექტორის კონკურენტუნარიანობისა და საექსპორტო პოტენციალის ზრდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.