თსუ-ში განათლების მინისტრის მოადგილე, გია შერვაშიძე მივიდა და პირველ კორპუსთან შეკრებილ ე.წ. აუდიტორია 115-ის წარმომადგენლებს განათლების სამინისტროში მიმდინარე შეხვედრაზე დასწრება სთხოვა.
შერვაშიძემ აუდიტორია 115-ს შესთავაზა, რომ მათი წარმომადგენელი დაესწროს შეხვედრებს, თუმცა, უარი მიიღო. აუდიტორია 115-ის წევრები ერთის მხრივ უარს აცხადებენ სტუდენტურ თვითმმართველობასთან ერთად მოლაპარაკებებში მონაწილეობაზე, მეორეს მხრივ აყენებენ პირობას, რომ ისინი უნივერსიტეტის შენობაში შეუშვან. ამ პირობის დაკმაყოფილების შემთხვევაში მზად არიან განათლების სამინისტროს წარმომადგენლებს შეხვდნენ.
მინისტრის მოადგილემ თსუ-ს პირველ კორპუსთან შეკრებილ სტუდენტებს პირობა მისცა, რომ მათ მოთხოვნას განათლების სამინისტროში მიმდინარე შეხვედრის მონაწილეებს გააცნობდა და სამინისტროში დაბრუნდა.
ამ დროისთვის უნივერსიტეტის შენობაში არიან როგორც აუდიტორია 115-ის, ისე სტუდენტური თვითმმართველობის წარმომადგენლები.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.