"მე არ ვაპირებ ჩირგვებში ჯდომას და წუწუნს, რომ თურმე რა დღეში ვარ და როგორ მემუქრებიან, მე გავაკეთებ ყველაფერს იმისთვის, რომ გამოძიებას დავეხმარო, - ეს განცხადება ჟურნალისტმა ინგა გრიგოლიამ პროკურატურაში დაკითხვამდე გააკეთა.
"მე მაქვს მოლოდინი, რომ დაიდება ეს კადრები. მე მართლა არ მეშინია ამ შანტაჟის და იცით, რატომ გავხსენი ეს თემა? მე რომ დღეს ხმა არ ამომეღო და შეშინებული ჩირგვებში და სახლში რომ შევმალულიყავი, მაშინ მთელი ცხოვრება უნდა მეცხოვრა ამ შანტაჟით," თქვა გრიგოლიამ და დაამატა:
"მე ვარ 45 წლის და საკმაოდ დიდი ვარ ასეთი ტიპის ემოციებმა არ დამანგრიოს. ამას თუ ბოლო არ მოეღო, დაინგრევა ქვეყანა."
მისივე განცხადებით, დღეს შეუძლებელია იმაზე საუბარი თუ როდისაა გადაღებული ფარული ვიდეო კადრები.
"როდესაც ვსაუბრობ, რომ 2012 წლამდე მქონდა ინფორმაცია, რომ არსებობდა ჩემი პირადი ცხოვრების ამსახველი ფარული კადრები, არ გამორიცხავს, რომ 2012 წლის მერე არ ჩაუწერიათ. სანამ არ დადებენ ამ კადრებს, არ ვიცი რაზეა საუბარი. როდესაც დაიდება კადრები, ასე ღიად ვიტყვი, თუ რა დროს არის გადაღებული და საერთაშორისო დონეზე სკანდალში გაეხვევა ის ხელისუფლება, რომლის დროსაც არის ჩაწერილი ჩემი პირადი ცხოვრების ამსახველი კადრები," განაცხადა ინგა გრიგოლიამ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.