ისევე, როგორც 2 წლის წინათ, ახლაც ყოველი თქვენგანის ხმა გადამწყვეტია, - ამ სიტყვებით მიმართა საქართველოს პრემიერ-მინისტრმა ირაკლი ღარიბაშვილმა თბილისში, ევროპის მოედანზე შეკრებილ მოქალაქეებს.
კოალიცია "ქართული ოცნების" ლიდერმა ამომრჩეველს 15 ივნისის ადგილობრივი თვითმმართველობის არჩევნებზე აქტიურობისკენ მოუწოდა. მისი განმარტებით, ეჭვი არავის ეპარება, რომ "ქართული ოცნება" ამ არჩევნებშიც დამაჯერებლად გაიმარჯვებს, თუმცა არჩევნებზე ყველა უნდა მივიდეს.
"დღეს, არჩვენებამდე 2 დღით ადრე, მე მინდა მოგმართოთ კიდევ ერთხელ და მოგიწოდოთ, რომ მოვიხადოთ ჩვენი მოქალაქეობრივი ვალი, უკლებლივ ყველა მივიდეთ 15-ში არჩევნებზე. დღეს ჩვენ არ გვაქვს არჩევნებზე არმისვლის უფლება! არა გვაქვს უფლება მოვდუნდეთ, დავრჩეთ გულგრილი და ვიყოთ პასიური იმ იმედით, რომ ,,ქართული ოცნება" მაინც გაიმარჯვებს. ისევე როგორც 2 წლის წინ, ახლაც ყოველი თქვენგანის ხმა გადამწყვეტია! ჩვენ გვეძლევა შესაძლებლობა, რეალური შედეგები დავაფიქსიროთ და სწორედ ამიტომ არის ყოველი ხმა გადამწყვეტი. კიდევ ერთხელ მოგიწოდებთ, მოდით არჩევნებზე! ნუ დარჩებით შინ იმის იმედად, რომ თქვენი ხმის გარეშეც გაიმარჯვებს ,,ქართული ოცნება"! მოდით და ხმა მიეცით ჩვენს კანდიდატებს, ხმა მიეცით ჩვენი ქვეყნის გამარჯვებას! მოდით არჩვენებზე იმისთვის, რომ ამ ქვეყანაში მოძალადე რეჟიმის შემქმნელებს აღარასოდეს ჰქონდეთ ხალხის მოტყუების უფლება, მოდით იმისთვის, რომ ჩვენმა ქვეყანამ საბოლოოდ ჩამოირეცხოს რეჟიმის სირცხვილი და ახალი ცხოვრება დავიწყოთ", - მიმართა პრემიერ-მინისტრმა მოქალაქეებს.
ირაკლი ღარიბაშვილმა 2012 წლის საპარლამენტო არჩევნების წინა პერიოდი გაიხსენა, როდესაც ადამიანები დიდი რისკის, დაშინებისა და ათასგვარი შანტაჟის პირობებში, ზოგჯერ საკუთარი ოჯახის წევრების სიცოცხლის რისკის ფასადაც კი იბრძოდნენ ღირსებისა და თავისუფლებისთვის.
"ახლა ეს ყველაფერი უკან არის, მაგრამ ჩვენ კიდევ ერთი შემართება, კიდევ ერთხელ ფეხზე დადგომა, კიდევ ერთი გადამწყვეტი ნაბიჯის გადადგმა გვჭირდება. ამ ნაბიჯით, ადგილობრივი თვითმმართველობის არჩევით ჩვენ დავაგვირგვინებთ 2012 წლის ოქტომბერში დაწყებულ გამარჯვებას! გელოდებით არჩევნებზე 15-ში! მოდით და ხმა მიეცით ,,ქართულ ოცნებას", შემოხაზეთ 41! მოდით და ხმა მიეცით ჩვენი ქვეყნის წინსვლას, ჩვენი ქვეყნის მომავალს! ჩვენი შვილების მომავალს! 15 ივნისს, გელოდებით ყველას, ერთად ვიზეიმოთ კიდევ ერთი გამარჯვება!", - მიმართა ირაკლი ღარიბაშვილმა მხარდამჭერებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.