ბედნიერი ვარ, რომ 29-ქულიანი სხვაობით მოვიგეთ, ასეთი ანგარიშები ერთკვირიანი მუშაობით არ მოდის, - ეს განცხადება საქართველოს მორაგბეთა ეროვნული ნაკრების მთავარმა მწვრთნელმა მილტონ ჰეიგმა საქართველო-რუმინეთის მატჩის დასრულების შემდეგ გამართულ პრეს-კონფერენციაზე გააკეთა.
"მიხარია, რომ დასახულ მიზანს მივაღწიეთ. რამდენიმე მორაგბეს თუ არ ჩავთვლით, ეს იყო ის უძლიერესი შემადგენლობა, რომელიც გვყავს, თუმცა ძლიერი შემადგენლობა არ არის ეს 23 მოთამაშე - გაფართოებული შემადგენლობის წევრები ნოემბრის ტესტებში მიიღებენ მონაწილეობას. აქედანვე მინდა იცოდეთ, რომ ძალიან რთული ნოემბერი გველის", - განაცხადა მილტონ ჰეიგმა და საქართველოს საფეხბურთო ეროვნული ნაკრების მთავარ მწვრთნელს რჩევა მისცა.
"საქართველოს საფეხბურთო ეროვნული ნაკრების მთავარ მწვრთნელს, როგორც უცხოელს, ვურჩევ, აქ ჩამოვიდეს და იცხოვროს, შეიგრძნოს აქაურობა და აქაური კულტურა, წინააღმდეგ შემთხვევაში, ვერანაირ წარმატებას ვერ მიაღწევს", - განაცხადა ჰეიგმა.
"ბორჯღალოსნებმა" მეტოქეს 6 ლელო გაუტანეს და ანგარიშით 38:9 გაიმარჯვეს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.