პრეზიდენტი ბარაქ ობამა, რომელიც კუბაში სამდღიან ოფიციალურ ვიზიტად იმყოფება, აცხადებს რომ კუბაში ცვლილებები მოხდება და კუბის პრეზიდენტს რაულ კასტროს ესმის ეს.
ორი ლიდერი ორშაბათს, მოგვიანებით სავაჭრო საკითხებსა და პოლიტიკურ თემებზე მოლაპარაკებებს გამართავს, რის შემდეგაც ერთობლივ პრეს-კონფერენციას ჩაატარებს.
1959 წლის რევოლუციის შემდეგ, რომელმაც ამერიკასა და კუბას შორის ათწლეულების მტრობა წარმოშვა, ობამა შეერთებული შტატების პირველი მოქმედი პრეზიდენტია, რომელიც კუბას ესტუმრა.
ჰავანაში, ხელახლა გახსნილ ამერიკის საელჩოში ობამამ ვიზიტს "ისტორიული" უწოდა. მან ასევე გარკვეული დრო ძველ ქალაქში გაატარა.
ბარაქ ობამა მეუღლესთან, ქვეყნის პირველ ლედისთან, მიშელ ობამასთან და შვილებთან - საშასა და მალიასთან ერთად "საჰაერო ძალა ერთი"-დან ღიმილით და ქოლგით გამოჩნდა, მსუბუქი ჟინჟლვის პირობებში ჩამოვიდა ტრაპიდან და კუბის საგარეო საქმეთა მინისტრს, ბრუნო როდრიგესსა და სხვა ოფიციალურ პირებს მიესალმა.
ჰავანაში ჩაფრენიდან რამდენიმე საათში იგი ამერიკის საელჩოში მივიდა, თანამშრომლებს მიესალმა და უთხრა: "ჩინებულია აქ ყოფნა".
"1928 წელს, პრეზიდენტი [ქალვინ] ქულიჯი აქ ბრძოლით მოვიდა. მას სამი დღე დასჭირდა აქ ჩამოსასვლელად, მე კი მხოლოდ სამი საათი. პირველად "საჰაერო ძალა ერთი" კუბაზე დაეშვა და ეს არის ჩვენი პირველი გაჩერება".
მან დაამატა, რომ ვიზიტი მისთვის არის იმის შესაძლებლობის მიმცემი, რომ დაგეგმოს "მომავლის ხედვები, რომელიც უფრო ნათელია, ვიდრე ჩვენი წარსული".
მოგვიანებით ობამამ ძველ ჰავანაში ფეხით გაისეირნა. ამ ტურს - ობამას ქუჩაში გავლას - ჩვეულებრივი კუბელებისთვის ის მნიშვნელობა ჰქონდა, რომ მათ პრეზიდენტთან უშუალო დაკონტაქტების საშუალება ეძლეოდათ, მაგრამ ტროპიკული ქარიშხლის გაძლიერების გამო მარშრუტის ეს ნაწილი დაგეგმილის შესაბამისად არ შედგა.
პრეზიდენტი ობამა მისი ოჯახის წევრებთან ერთად წვიმის მიუხედავად ეროვნულ საკათედრო ტაძარში, ქოლგით ხელში, ფეხით მივიდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.