"ამერიკაში, ჩვენ თავად ვატარებთ ჩვენს ტვირთს, - წერს NBC -ის ახალი ამბების ჟურნალისტი ტიმ სტელონი.


ჟენევაში სირიის სამშვიდობო მოლაპარაკებების მორიგი რაუნდის მიმდინარეობის პარალელურად, სახელმწიფო მდივანი ჯონ ქერი ხუთშაბათს მოსკოვში, პრეზიდენტ ბაშარ ალ-ასადის მთავარ მხარდამჭერთან, ვლადიმერ პუტინთან მოლაპარაკებების გასამართად იმყოფებოდა.


მოლაპარაკებების თემა სირიელებისთვის სასიცოცხლოდ მნიშვნელოვან საკითხებს შეეხებოდა და შემდეგ თემებს მოიცავდა: ჰუმანიტარული დახმარების მიწოდების არეალის გაფართოება; მტრობის შეწყვეტის შენარჩუნება; პოლიტიკური ტრანზიციის განხორციელება.


მაგრამ თითქმის 4-საათიანი მოლაპარაკებების დაწყებამდე რუსეთის პრეზიდენტმა კრემლში ქერისთან ერთად ტელეკამერების წინ გამოჩენისას, როგორც ამას NBC -ის ჟურნალისტი წერს, უცნაური არასერიოზულობა გამოიჩინა: როგორც პუტინმა ქერის უთხრა, ის "იმედგაცრუებული და გულნატკენი" იყო იმის ხილვით, რომ ასეთი მაღალი რანგის ოფიციალურ პირს თვითმფრინავიდან თავისი ჩანთა თავადვე მოჰქონდა.


"ერთის მხრივ, ეს ქცევის საკმაოდ დემოკრატიული ნორმაა, მაგრამ მეორეს მხრივ, გავიფიქრე, რომ შესაძლოა შეერთებულ შტატებში არც ისეთი სახარბიელო მდგომარეობაა და არავინ არაა, ვინც დაეხმარებოდა სახელმწიფო მდივანს მისი ჩანთის ტარებაში," განაცხადა პუტინმა.


ამერიკის ეკონომიკა "კარგ მდგომარეობაშია"  სიტყვამოსწრებულად დაამატა პუტინმა, სანამ იტყოდა, რომ "შესაძლოა" რაღაც ყოფილიყო მის "ჩემოდანში ისეთი, რომლის ტარებასაც არავის ანდობდა" იგი. "შესაძლოა თქვენ რაღაც ფული ჩამოიტანეთ იმისათვის, რომ მთავარ საკითხებზე მოვრიგდეთ."


პუტინის იუმორს ქერიმ ასე უპასუხა: "როდესაც ჩვენ განვცალკევდებით, მე გაჩვენებთ თუ რა მიდევს ჩემოდანში. და მე ვფიქრობ თქვენ გაკვირვებული დარჩებით - სასიამოვნოდ გაკვირვებული."