დავით საყვარელიძის უკრაინის გენერალური პროკურორის მოადგილის პოსტიდან გათავისუფლებას ოდესის გუბერნატორი, საქართველოს ყოფილი პრეზიდენტი, მიხეილ სააკაშვილი სოციალურ ქსელში ეხმაურება.
სააკაშვილი მიიჩნევს, რომ უკრაინის პრეზიდენტმა საყვარელიძეს "მანდატი მიანიჭა" ოდესის ოლქში სააკაშვილის დასახმარებლად მაფიასთან ბრძოლის საქმეში.
მიხეილ სააკაშვილის თქმით, უკრაინის გენერალურმა პროკურატურამ საყვარელიძე ოდესაში მოქმედი კრიმინალური დაჯგუფების მოთხოვნის საფუძველზე გაათავისუფლა.
"პრეცედენტი, როდესაც პროკურორს ხსნიან ადგილობრივი, სეპარატიზმში შემჩნეული, ორგანიზებული კრიმინალური დაჯგუფების მოთხოვნით, ქვეყნისთვის ძალიან მძიმე შედეგებს გამოიწვევს", - წერს სააკაშვილი.
დავით საყვარელიძის გათავისუფლების შესახებ დღეს გახდა ცნობილი, მოგვიანებით გაირკვა, რომ უმაღლესმა რადამ უკრაინის გენერალური პროკურორის პოსტიდან ვიქტორ შოკინის გადაყენებას დაუჭირა მხარი.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.