ეგვიპტური სამგზავრო ლაინერის გამტაცებელი დაკავებულია. გამტაცებელი თვითმფრინავიდან ხელებაწეული გამოიყვანეს. აღნიშნულ ინფორმაციას „როიტერსი“ ამ წუთებში კვიპროსის სახელმწიფო ტელევიზიაზე დაყრდნობით ავრცელებს.
ცნობილია ასევე, რომ , თვითმფრინავის ბორტზე ამჟამად სპეცდანიშნულების ძალები იმყოფებიან. რამდენიმე წუთის წინათ გავრცელდა ინფორმაცია, რომ თვითმფრინავი რამდენიმე მძევალმა დატოვა.
კვიპროსის პრეზიდენტმა ნიკოს ანასტასიადესმა განაცხადა, რომ ეგვიპტის ავიახაზების თვითმფრინავის გატაცება არ იყო ტერორისტული შემთხვევა.
ეგვიპტიდან ავიაკომპანია Egyptair-ის კუთვნილი სამგზავრო თვითმფრინავი A320 დღეს დილას გაიტაცეს. EgyptAir -ის ცნობით, მგზავრმა, რომელმაც განაცხადა, რომ შაჰიდის ქამარს ატარებდა, ეკიპაჟის წევრებს ფრენის მარშრუტის კვიპროსის მიმართულებით შეცვლა უბრძანა.
BBC-ის ინფორმაციით, კვიპროსის ლარნაკას აეროპორტში გამტაცებლის დაჟინებული თხოვნით, მისი ყოფილი მეუღლე მიიყვანეს.
გავრცელებული ცნობით, თვითმფრინავის გამტაცებელს, რომელიც მარტო მოქმედებდა, უნდოდა ცალკე მცხოვრებ კვიპროსელ ცოლთან დალაპარაკება. ასევე გავრცელდა ინფორმაცია, რომ გამტაცებელი ლტოლვილის სტატუსის მიღებას ცდილობს, მაგრამ ეს ინფორმაცია მოგვიანებით არ დადასტურდა.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.