LGM Investments-ი საქართველოში საინვესტიციო პორტფელის გაზრდას გეგმავს, - ამის შესახებ საქართველოს პრემიერ-მინისტრთან, გიორგი კვირიკაშვილთან დღევანდელ შეხვედრაზე გახდა ცნობილი.
მსხვილი ბრიტანული საინვესტიციო ფონდი LGM Investments-ი „საქართველოს ბანკის“ ერთ-ერთი აქციონერია.
ფონდის ინტერესის ძირითად სფეროებს საფინანსო და ჯანდაცვის სექტორი წარმოადგენს.
პრემიერ-მინისტრმა შეხვედრისას აღნიშნა, რომ საქართველოს მთავრობა ინვესტორების მზარდ ინტერესს მიესალმება და მათი ხელშეწყობისთვის მზად არის.
საუბარი შეეხო საქართველოში წარმატებით განხორციელებულ ბრიტანულ საინვესტიციო პროექტებს შეეხო. განსაკუთრებით აღინიშნა BP-ის პროექტი, რომლის ღირებულება 2 მილიარდი ევროა.
ბრიტანელ ინვესტორებთან კონკრეტულ საინვესტიციო პროექტებზე საუბარი დიდ ბრიტანეთში საქართველოს პრემიერ-მინისტრის ვიზიტისას გაგრძელდება, რომელიც უახლოეს მომავალში იგეგმება.
შეხვედრას LGM Investments-ის მთავარი საინვესტიციო მენეჯერი ტომას ვესტერი, ფონდის საინვესტიციო მენეჯერები - დეფიდ ლუისი და გარეტ მორგანი; ხოლო, საქართველოს მხრიდან - ეკონომიკისა და მდგრადი განვითარების მინისტრი, ვიცე-პრემიერი დიმიტრი ქუმსიშვილი და ეკონომიკური საბჭოს მდივანი გიორგი გახარია დაესწრნენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.