"ბოინგი" სამუშაო ადგილების 8 000 -ით შემცირებას აპირებს. ინფორმაციას ამის შესახებ სააგენტო "როიტერსი" წყაროებზე დაყრდნობით ავრცელებს.  აღნიშნული გადაწყვეტილება კომპანიას 1 მილიარდი აშშ დოლარით შეუმცირებს ხარჯებს და დაეხმარება ევროპული მეტოქის "ეარბასის" წინააღმდეგ გაყიდვების მხრივ ბრძოლაში, წერს "როიტერსი".


წყაროების მიხედვით, კომპანიის ფართო მიზანია კომერციული თვითმფრინავების გაერთიანებაში სამუშაო ადგილები 10 პროცენტით შეამციროს. "ბოინგში" კი აცხადებენ, რომ ციფრი 8, 000 ჰიპოთეტურია და კომპანიას არ გააჩნია სპეციფიკური მიზანი, შეამციროს სამუშაო ადგილები.


"დასაქმებულთა შემცირების მიზანი არ არსებობს," განაცხადა "ბოინგის" წარმომადგენელმა დუგ ალდერმა. "ზოგადად, რაც უფრო შევძლებთ ხარჯების მეტად გაკონტროლებას, მით უფრო ნაკლები ზეგავლენა იქნება დასაქმებულებზე."


"ბოინგი" აცხადებს, რომ სამუშაო ადგილების შემცირება ხარჯვითი ნაწილის შემცირების ფართო გეგმის განზრახვას უკავშირდება, რათა შენარჩუნდეს ჩიკაგოში ბაზირებული საავიაციო და თავდაცვითი კომპანია, როგორც კონკურენტუნარიანი.


"ბოინგი" თავისი 100-წლიანი ისტორიის განმავლობაში უდიდეს აღმასვლას განიცდის, ზრდის რა ავიალაინერების გამოშვებას ისტორიულ დონემდე. მაგრამ ის იყენებს უფრო ნაკლებ მუშებს, ვიდრე წარსულში იყენებდა და ამცირებს სხვა ხარჯებს რათა კონკურენცია გაუწიოს "ეარბასს".


დანაზოგები არის საჭირო იმისათვის რომ "გაიმარჯვო ბაზარზე, შევაგროვოთ ჩვენი ზრდის მარაგები და მოვახდინოთ ოპერირება როგორც ჯანმრთელმა ბიზნესმა," განუცხადა გასულ თვეს რეი კონერმა, ბოინგის თვითმფრინავების ბიზნესის აღმასრულებელმა ხელმძღვანელმა დასაქმებულებს.


თებერვალში "ბოინგმა" 70 ახალი თვითმფრინავი შეუკვეთა. შედარებისთვის, "ეარბასმა" კი მხოლოდ 18. თუმცა "ბოინგის" თებერვლის თვის შეკვეთებში 40 თვითმფრინავი ფასდაკლებული 737-ები იყო, რომლებიც გაერთიანებული ავიახაზებითვის იყო განკუთვნილი.