ნუკრი ქანთარია მიმდინარე პოლიტიკურ პროცესებს ეხმიანება და აცხადებს, რომ კოალიციამ უმნიშვნელოვანესი როლი შესარულა საქართველოს ისტორიაში, ქანთარიას პროგნოზით, არჩევნების შემდეგ ქვეყანაში სამი პოლიტიკური გუნდი ჩამოყალიბდება.

თქვენ კარგად იცით, რომ რეჟიმისგან გათავისუფლება არ იყო ადვილი, ეს მოხერხდა ბიძინა ივანიშვილის დახმარებით. მომავალში, ჩემი აზრით, რამდენიმე პოლიტიკური ფლანგი გაიშლება და ადვილი იქნება არჩევანის გაკეთება.

ერთი ეს იქნება ევროპული ოჯახისკენ სვლა და ეს იქნება ერთი პოლიტიკური ჯგუფი, ყოველგვარი ეროვნული ფესვების გარეშე, ქართული ცნობიერების გარეშე, თვითმყოფადობის გარეშე, შეიძლება ითქვას, ერთგვარი უსამშობლოთა პარტიული ჯგუფები, რომელთაც სამშობლო მიაჩნიათ ადამიანთა კრებული.

მეორე ჯგუფი, ეს არის რომელიც ევროპაში საზღვარს გადალახავს, თავის თავგადასავლით, ჭირ-ვარამით, თუ ავლადიდებით და ეს ტვირთი გაცილებით უფრო ნელი და სამაგიეროდ იქნება მტკიცე თავის ფესვზე დაყრდნობილი.

იქნება მესამე ფლანგი უკან სრული სვლით - „სავეცკი საიუზისკენ“, - განაცხადა ქანთარიამ.
მისი თქმით, ეს სამი ფლანგი იქნება რომელიც პოლიტიკურ ასპარეზზე იაქტიურებს.