სომხეთი მზადაა, ორმხრივ დათმობებზე წავიდეს მთიანი ყარაბაღის კონფლიქტის მოგვარების მიზნით, აღნიშნული განცხადება სომხეთის პრეზიდენტმა სერჟ სარგსიანმა გააკეთა. ინფორმაციას კი ამის შესახებ „ინტერფაქსი“ ავრცელებს.
„სომხური მხარეს არასოდეს უთქვამს უარი ლოგიკურ ორმხრივ დათმობებზე, რისი მიზანიც კონფლიქტის მოგვარება იქნებოდა. ეს ძალიან კარგად იციან ეუთო-ს მინსკის ჯგუფის თანათავმჯდომარეებმა და აქ მსხდომებმა“, - განაცხადა სომხეთის პრეზიდენტმა ეუთო-ს ქეყნების ელჩებთან შეხვედრისას და დაამატა, რომ ორმხრივ დათმობაზე საუბარი მხოლოდ მაშინ იქნება შესაძლებელი, როდესაც „კონფლიქტის წარმოშობის მიზეზი დადგინდება და მთიანი ყარაბაღის რესპუბლიკა მორიგი კოლონიზაციის საფრთხისგან გათავისუფლდება“.
მთიანი ყარაბაღის კონფლიქტის ზონაში კონფლიქტის ესკალაცია 2 აპრილს დაიწყო. გარდაცვლილია ათეულობით ადამიანი, მათ შორის მშვიდობიანი მოქალაქეები. მხარეები ბრძოლების განახლებაში ერთმანეთს ადანაშაულებენ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.