„ნამდვილად არ ველოდებით უახლოეს პერიოდში რომელიმე „რესპუბლიკელი“ მინისტრის ბედის რამენაირად გადაწყვეტას. თუმცა, ცხოვრება რთულია და შეიძლება თქვან რამე ისეთი, რაც მე არ ვიცი,“ - აღნიშნული განცხადება „რესპუბლიკელმა“ ლევან ბერძენიშვილმა გააკეთა.

„დღეს ნამდვილად შედგება პრეზიდენტისა და პრემიერის შეხვედრა, რომელსაც დაესწრება თინა ხიდაშელი, ყარაბაღის საკითხებთან დაკავშირებით. შემდეგ კი ქალბატონი თინათინი მიდის სხვა ქვეყანაში მივლინებაში. ასე რომ, რაიმე ცნობა, რომ მისი გადაყენება ან გადადგომა იგეგმება, ჩვენ არა გვაქვს" - განაცხადა ლევან ბერძენიშვილმა.

მთავრობის ადმინისტრაციაში, სულ ცოტა ხნის წინათ პრეზიდენტისა და პრემიერის შეხვედრა დაიწყო.

ვრცელდება ინფორმაცია, რომ შეხვედრაზე შესაძლოა „რესპუბლიკელი“ მინისტრების თანამდებობებიდან გათავისუფლების საკითხე იმსჯელონ.

მთავრობის ადმინისტრაციის ოფიციალური ინფორმაციის მიხედვით კი შეხვედრა რეგიონში მიმდინარე მოვლენებს უკავშირდება.