"ის, რომ ქვეყანაში დადგება 8 ოქტომბერი, უნდა გავიგოთ 8 აგვისტოს“ - აღნიშნული განცხადება „ერთიანი ნაციონალური მოძრაობის“ წევრმა, დავით ბაქრაძემ "რუსთავი-2"-თან საუბრისას გააკეთა.

ბაქრაძის განცხადებით, ეს „ქართული ოცნების“ მორიგი აბსურდია, რომლითაც პარტია საზოგადოების სიცრუეში შეყვანას ცდილობს.

„მინდა მკაფიოდ ვუთხრა „ქართულ ოცნებას“ - რაც არ უნდა ფოკუსები მოიფიქრონ, რა სისულელეც არ უნდა გამოაქვეყნონ, ნებისმიერ შემთხვევაში, არჩევნებს წააგებენ. ამიტომ ვურჩევ მათ, რომ თავი დაანებონ ასეთი ტიპის ფოკუსებს, ხალხისა და პოლიტიკური პარტიების მოტყუებას და ნორმალურ, თანაბარ და მშვიდ არჩევნებში გადააბარონ ხელისუფლება მომავალ გამარჯვებულს, რომელიც დარწმუნებული ვარ, იქნება „ერთიანი ნაციონალური მოძრაობა“ - აღნიშნა ბაქრაძემ.

საპარლამენტო არჩევნებისა და აჭარის ავტონომიური რესპუბლიკის უმაღლესი საბჭოს არჩევნების დანიშვნის შესახებ პრეზიდენტის განკარგულებები ძალაში 8 აგვისტოდან შევა.