არასამთავრობო ორგანიზაცია „სამართლებრივი არჩევნები“ უკმაყოფილებას გამოთქვამს 2016 წლის საპარლამენტო არჩევნების თარიღთან დაკავშირებით და ხელისუფლებისგან ახსნა-განმართებებს მოითხოვს.

არასამთავრობო ორგანიზაცია “სამართლიანი არჩევნების“ შეფასებით, პრეზიდენტის მიერ საპარლამენტო არჩევნების თარიღის გამოცხადების პროცესი სპონტანურად და არათანამიმდევრულად წარიმართა , რამაც სამართლებრივი გაუგებრობები წარმოშვა.

არჩევნების თარიღის დანიშვნის გადაწყვეტილებას ორგანიზაცია სპეციალური განცხადებით ეხმაურება. გთავაზობთ ამონარიდს გავრცელებული განცხადებიდან:

„მიგვაჩნია, რომ “საქართველოს საარჩევნო კოდექსით“ ცალსახად არის განსაზღვრული, რომ ოფიციალური წინასაარჩევნო კამპანია და მასთან დაკავშებული წესები ადმინისტრაციული რესურსის გამოყენებასა თუ საარჩევნო ადმინისტრაციის დაკომპლექტებასთან დაკავშირებით, არჩევნების თარიღის დანიშვნის აქტის
გამოქვეყნებისთანავე იწყება. შესაბამისად, გაუგებრობას ქმნის გავრცელებული ინფორმაცია იმასთან დაკავშრებით, რომ კამპანიის დაწყების თარიღად 8 აგვისტო განისაზღვრა და არა არჩევნების თარიღის დანიშვნის გადაწყვეტილების ოფიციალური გამოქვეყნება.
წინასაარჩევნო პერიოდში სამართლებრივი გაუგებრობების თავიდან აცილების მიზნით, მივმართავთ შესაბამის უწყებებს, საქართველოს პრეზიდენტს, მთავრობას, პარლამენტს, ცენტრალურ საარჩევნო კომისიას, გააკეთონ ოფიციალური განმარტებები, კანონის რომელი ნორმის საფუძველზე არის შესაძლებელი წინასაარჩევნო კამპანიის ოფიციალურად დაწყება 8 აგვისტოს და არა ორგანული კანონით, “საქართველოს საარჩევნო კოდექსით“ დადგენილი წესით - არჩევნების დანიშვნის თაობაზე გამოცემული სამართლებრივი აქტის გამოქვეყნებისთანავე“, - ნათქვამია განცხადებაში.