პრეზიდენტის მიერ უზენაესი სასამართლოს მოსამართლეობის თანამდებობაზე წარდგენილმა კანდიდატებმა პარლამენტის იურიდიულ საკითხთა კომიტეტისგან მხარდაჭერა ვერ მიიღეს.
კომიტეტის დღევანდელ სხდომაზე თამარ ლალიაშვილისა და ნონა თოდუას მოსმენის შემდეგ ფარული კენჭისყრა ჩატარდა, რომელშიც კომიტეტის 12 წევრმა მიიღო მონაწილეობა.
უზენაესი სასამართლოს მოსამართლედ თამარ ლალიაშვილის კანდიდატურას მხარი ექვსმა დეპუტატმა დაუჭირა, ოთხი წინააღმდეგი იყო, ორი ბიულეტენი კი გაბათილდა.
ნონა თოდუას კომიტეტის ხუთმა წევრმა დაუჭირა მხარი, ოთხი მისი კანდიდატურის წინააღმდეგ წავიდა, სამი ბიულეტენი ბათილად იქნა ცნობილი.
თითოეული კანდიდატის მხარდაჭერისთვის საკმარისი კვორუმი რვა ხმა იყო.
უზენაესი სასამართლოს მოსამართლეების დამტკიცების თაობაზე საბოლოო გადაწყვეტილებას პარლამენტი მიიღებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.