ყოფილი დეპუტატი და ბიზნესმენი თემურ ჩარკვიანი გასულ კვირას თბილისში, ქობულეთის ქუჩაზე მდებარე საკუთარ საცხოვრებელ სახლში გარდაცვლილი იპოვეს. ცხედარი ახლობლებმა საპირფარეშოში აღმოაჩინეს. მას ცეცხლსასროლი იარაღიდან ჭრილობა თავის არეში აქვს მიყენებული.
შინაგან საქმეთა სამინისტრომ მომხდარზე გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს. გაზეთი "პრაიმტაიმი" თვითმკვლელობის რამდენიმე გავრცელებული ვერსიის შესახებ წერს. როგორც გამოცემა აღნიშნავს, ითქვა, რომ თვითმკვლელობის მიზეზი ბანკის ვალები გახდა, რომლის გამოც ბიზნესმენმა ქონება დაკარგა. ამბობენ, რომ წინა ხელისუფლების დროს მას იძულებით ჩაადებინეს თანხა სხვადასხვა ობიექტის მშენებლობაში სიღნაღში, ბათუმსა და სხვა ქალაქებში. ცნობილია ისიც, რომ ის იყო სამშენებლო კომპანია "თბილისის" დამფუძნებელი.
"პრაიმტაიმის" ინფორმაციით, 2009 წელს პირველი კომპანია, რომელიც ფინანსურ კრიზისს ემსხვერპლა, სწორედ "თბილისი" იყო. კომპანია იმით არის ცნობილი, რომ უზარმაზარ პროექტებს უძღვებოდა – სამების ტაძრისა და ბაქო-თბილისი-ჯეიჰანის გაზსადენი მაგისტრალის მშენებლობას. მსხვილ გადამხდელთა საგადასახადო ინსპექციამ მაშინ სამშენებლო კომპანია "თბილისის" დაყადაღებული ქონება გასაყიდად გამოიტანა. საუბარია კომპანიის რამდენიმე ობიექტზე თბილისში, ბათუმსა და გარდაბანში. სარეალიზაციოდ გამოტანილი ქონების საწყისმა ფასმა 3 254 517 ლარი შეადგინა.
როგორც "პრაიმტაიმს" ოჯახის ერთ-ერთი ახლობელი უყვება, გარდაცვალებამდე თემურ ჩარკვიანმა წერილი დატოვა, სადაც ის გაკოტრებასა და თვითმკვლელობამდე მიყვანაში იუსტიციის ყოფილ მინისტრს, ზურაბ ადეიშვილს ადანაშაულებს.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.