"ერთიანი ნაციონალური მოძრაობის“ ლიდერმა დავით ბაქრაძემ განაცხადა, რომ ხელისუფლებას ხალხის მხარდაჭერა დაკარგული აქვს და იგი არჩევნების მოგებას ადმინისტრაციული რესურსის გამოყენებით გეგმავს.
”მთავრობა, რომელიც ასეულობით მილიონს ხარჯავს საკუთარ პრემიებსა და დანამატებზე, მთავრობა, რომელმაც გუშინ 30 მილიონი გამოყო კონცერტების ჩასატარებლად, დღეს გვიმტკიცებს, რომ მას არ შეუძლია რამდენიმე მილიონი გამოყოს ნორმალური და დემოკრატიული საარჩევნო გარემოს შესაქმნელად. ეს ნიშნავს მხოლოდ ერთს, რომ ”ქართულმა ოცნებამ” საბოლოოდ დაკარგა ხალხის მხარდაჭრის იმედი და ისინი მხოლოდ ადმინისტრაციული რესურსის ხარჯზე აპირებენ არჩევნების მოგებას. ეს ნიშნავს, რომ ”ქართული ოცნება” აუცილებლად წააგებს არჩევნებს, ვინაიდან ყველა მთავრობამ, რომელმაც დაკარგა ხალხის მხარდაჭერა, არჩევნები წააგო. ამავე ბედს გაიზიარებს ოცნებაც”, - განაცხადა დავით ბაქრაძემ.
მოგესალმებათ საინფორმაციო სააგენტო GUARDIANGE-ის ადმინისტრაცია და გაცნობებთ, რომ სააგენტოს განახლების შედეგად, ამიერიდან ვებგვერდის ძველ ვერსიაზე -WWW.GUARDIAN.GE ხელმისაწვდომი იქნება 2023 წლის 7 სექტემბრამდე განთავსებული საინფორმაციო ხასიათის წერილობითი/ფოტო/ვიდეო მასალა, ხოლო განახლებული სააგენტოს ვებგვერდს შეგიძლიათ გაეცნოთ WWW.GUARDIANGE.COM-ზე.
ამერიკის შეერთებული შტატების არჩეულმა პრეზიდენტმა დონალდ ტრამპმა ჯანდაცვისა და სოციალური მომსახურების მდივნად ვაქცინაციის მიმართ სკეპტიკურად განწყობილი რობერტ ფიცჯერალდ კენედი უმცროსი, პრეზიდენტ ჯონ კენედის ძმისშვილი დაასახელა, რითაც დაასრულა დიდი ხნის მითქმა-მოთქმა კენედის გარშემო იმის შესახებ, თუ რა თანამდებობას დაიკავებდა იგი ტრამპის ადმინისტრაციაში.